|    Jan 16 Tue, 2018 1:04 pm
FLASH NEWS

അളവില്‍ കൃത്രിമം; പെട്രോള്‍ ബങ്ക് സീല്‍ ചെയ്തു

Published : 31st May 2017 | Posted By: fsq

 

മഞ്ചേശ്വരം: അളവുകുറച്ചും നിശ്ചിതവിലയെക്കാള്‍ കൂടിയ വില ഉപഭോക്താക്കളില്‍ നിന്നും ഈടാക്കിയും ഡീസല്‍ വില്‍ക്കുകയായിരുന്ന മിയാപദവിലെ പെട്രോള്‍ ബങ്ക് ലീഗല്‍ മെട്രോളജി അസി.കണ്‍ട്രോളറുടെ നേതൃത്വത്തില്‍ സീല്‍ ചെയ്തു. കഴിഞ്ഞ 15ന് ഡീസലിനു ഓയില്‍ കമ്പനികള്‍ രണ്ടു രൂപ വിലകുറച്ചിരുന്നു. എന്നാല്‍ അതിനു ശേഷം കഴിഞ്ഞ ദിവസം വരെ നേരത്തേയുള്ള വില പ്രകാരമാണ് മിയാപദവിലെ പെട്രോള്‍ പമ്പ് ഡീസല്‍ വിറ്റതെന്ന് അന്വേഷണത്തില്‍ കണ്ടെത്തി. ഇതേ തുടര്‍ന്നാണ് പെട്രോള്‍ പമ്പ് മുദ്രവച്ചത്. പെട്രോള്‍ പമ്പുകളിലെ കൗണ്ടിങ് മെഷീനില്‍ ചിപ്പ് ഉപയോഗിച്ചു പള്‍സ് കൂട്ടിക്കാണിക്കുകയും അങ്ങനെ നല്‍കാത്ത ഡീസല്‍ നല്‍കിയതായി മീറ്ററില്‍ കാണിച്ച് അതിന് വില ഈടാക്കുകയുമായിരുന്നു അധികൃതര്‍ അറിയിച്ചു. ഉത്തര്‍പ്രദേശ് ആസ്ഥാനമായി ഒരു സംഘം ഇതിനു വേണ്ടി പ്രത്യേക ചിപ്പുകള്‍ ഇറക്കിയതായി കേന്ദ്രസര്‍ക്കാര്‍ കണ്ടുപിടിക്കുകയും അളവും വിലയും ഉപയോഗിച്ചു തട്ടിപ്പാക്കുന്ന പെട്രോള്‍ ഡീസല്‍ ബങ്കുകള്‍ കണ്ടു പിടിച്ചു നടപടിയെടുക്കാന്‍ പ്രത്യേക സ്‌ക്വാഡിനെ നിയോഗിക്കുകയും ചെയ്തിരുന്നു. കാസര്‍കോട് ലീഗല്‍ മെട്രോളജി അസി.കണ്‍ട്രോളര്‍ ശ്രീനിവാസന്റെ നേതൃത്വത്തില്‍ നിയോഗിച്ച പ്രത്യേക സ്‌ക്വാഡാണ് തട്ടിപ്പു കണ്ടുപിടിച്ചത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day