|    May 24 Wed, 2017 11:34 am
FLASH NEWS

അല്‍ ഖര്‍യതൈന്‍ സിറിയന്‍ സൈന്യം തിരിച്ചുപിടിച്ചു

Published : 5th April 2016 | Posted By: SMR

ദമസ്‌കസ്: സിറിയയിലെ ഹുംസ് പ്രവിശ്യയിലെ അല്‍ ഖര്‍യതൈന്‍ നഗരം ഐഎസില്‍ നിന്നു സര്‍ക്കാര്‍ സഖ്യസൈന്യം തിരിച്ചുപിടിച്ചു. റഷ്യന്‍ വ്യോമപിന്തുണയോടെയായിരുന്നു ദൗത്യം. പൗരാണിക നഗരമായ പാല്‍മിറ ഐഎസില്‍ നിന്നു മോചിപ്പിച്ച് ദിവസങ്ങള്‍ക്കകമാണു പുതിയ മുന്നേറ്റം. കഴിഞ്ഞ ആഗസ്തിലാണ് അല്‍ ഖര്‍യതൈന്‍ ഐഎസ് പിടിച്ചെടുത്തത്. ക്രൈസ്തവരടക്കം നൂറുകണക്കിനാളുകളെയും ഐഎസ് ബന്ദികളാക്കിയിരുന്നു. ഭൂരിഭാഗം പേരെയും പിന്നീട് മോചിപ്പിച്ചു. ഏറ്റുമുട്ടല്‍ തുടരുകയാണെന്ന് ബ്രിട്ടന്‍ ആസ്ഥാനമായി പ്രവര്‍ത്തിക്കുന്ന സിറിയന്‍ ഒബ്‌സര്‍വേറ്ററി ഫോര്‍ ഹ്യൂമന്‍ റൈറ്റ്‌സ് അറിയിച്ചു.
പിടിച്ചെടുത്ത മേഖല, ഇറാഖ് അതിര്‍ത്തിയിലെ ഐഎസ് നിയന്ത്രിത പ്രദേശങ്ങള്‍ തിരിച്ചുപിടിക്കുന്നതിന് സൈനികകേന്ദ്രമൊരുക്കാനും സര്‍ക്കാന്‍ സൈന്യത്തിനു സൗകര്യമൊരുക്കും. പാല്‍മിറയില്‍ നിന്ന് 80 കിലോമീറ്റര്‍ പടിഞ്ഞാറാണ് അല്‍ ഖര്‍യതൈന്‍. ക്രൈസ്തവ ഭൂരിപക്ഷമുള്ള പ്രദേശമാണിവിടം.
അതിനിടെ സിറിയയിലെ അല്‍ഖാഇദ ശാഖയായ അല്‍ നുസ്‌റ ഫ്രണ്ട് വക്താവ് അബു ഫിറാസ് അല്‍ സുരി യുഎസ് വ്യോമാക്രമണത്തില്‍ കൊല്ലപ്പെട്ടതായി റിപോര്‍ട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day