|    Jan 16 Mon, 2017 10:52 pm
FLASH NEWS

അല്‍മദാറിന്റെ കാരുണ്യ പ്രവര്‍ത്തനത്തില്‍ കണ്ണികളാവാന്‍ ആയിരങ്ങളെത്തി

Published : 28th December 2015 | Posted By: SMR

ചെറുവത്തൂര്‍: കൈതക്കാട് പ്രദേശത്തെ അല്‍മദാര്‍ കള്‍ച്ചര്‍ സെന്റര്‍ സംഘടിപ്പിച്ച സമൂഹ വിവാഹ ചടങ്ങ് നാടിന്റെ ആഘോഷമായി മാറി. നിര്‍ധനരായ ആറ് യുവതീ യുവാക്കളുടെ വിവാഹമാണ് സംഘടന നടത്തികൊടുത്തത്.
അഞ്ച് പവന്‍ സ്വര്‍ണാഭരണങ്ങളും 50,000 രൂപയും കല്ല്യാണ വസ്ത്രങ്ങളും വധുവരന്മാര്‍ക്ക് നല്‍കി. തളിപ്പറമ്പ്, നീലേശ്വരം, കാഞ്ഞങ്ങാട് നഗരസഭകളില്‍ നിന്നും വലിയപറമ്പ, ചെറുവത്തൂര്‍, ചീമേനി പഞ്ചായത്തുകളില്‍ നിന്നുള്ളവരായിരുന്നു വധൂവരന്മാര്‍. പാണക്കാട് സയ്യിദ് മുനവ്വറലി ശിഹാബ് തങ്ങള്‍ വിവാഹത്തിന് കാര്‍മികത്വം വഹിച്ചു. സയ്യിദ് ടി കെ പൂക്കോയ തങ്ങള്‍ പ്രാര്‍ത്ഥനക്ക് നേതൃത്വം നല്‍കി. എസ് പി മുഹമ്മദലി അധ്യക്ഷത വഹിച്ചു. എ ആര്‍ സഹീദ്, എസ് പി ശംസുദ്ദീന്‍, എ എം മന്‍സൂര്‍, എ സി സലാം ഹാജി, പി പി സലാം ഹാജി, യു കെ കുഞ്ഞബ്ദുല്ല, ബഷീര്‍ മാസ്റ്റര്‍, പി താജുദ്ദീന്‍, മൂസ ഹാജി പട്ടാനത്ത്, കെ എം ശരീഫ് ഹാജി, പൊറായിക്ക് മുഹമ്മദ്, വഹാബ് മാവിലാടം സംസാരിച്ചു. ബഷീര്‍ വെള്ളിക്കോത്ത് മുഖ്യപ്രഭാഷണം നടത്തി. അയ്യായിരത്തോളം ആളുകളാണ് ചടങ്ങിനെ ആശിര്‍വദിക്കാന്‍ എത്തിയത്.
നേരത്തെ സംഘടിപ്പിച്ച സമൂഹ വിവാഹത്തില്‍ പങ്കെടുത്തവര്‍ക്ക് പുതിയ ഫഌറ്റ് സമുച്ചയം നിര്‍മിച്ചുനല്‍കുന്നതിന്റെ പ്രഖ്യാപനവും ചടങ്ങില്‍ നടന്നു. ചടങ്ങിനെത്തിയവര്‍ക്ക് സദ്യയും ഒരുക്കിയിരുന്നു.

Share on FacebookShare on Google+Tweet about this on TwitterShare on LinkedIn
(Visited 53 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക