|    May 25 Thu, 2017 12:42 pm
FLASH NEWS

അലിഗഡ് സെന്റര്‍ വിദ്യാര്‍ഥികള്‍ ഡയറക്ടറുടെ കോലം കത്തിച്ചു

Published : 21st November 2015 | Posted By: G.A.G

aligadപെരിന്തല്‍മണ്ണ : വാഹനാപകടത്തില്‍ പരിക്കേറ്റ വിദ്യാര്‍ഥികളെ ആശുപത്രിയിലെത്തിക്കാന്‍ ആംബുലന്‍സ് വിട്ടുകൊടുത്തില്ലെന്നാരോപിച്ച് പെരിന്തല്‍മണ്ണയിലെ മലപ്പുറം അലിഗഡ് സര്‍വകലാശാല സെന്റര്‍ വിദ്യാര്‍ഥികള്‍ ഡയറക്ടറുടെ കോലം കത്തിച്ചു. പ്രശ്‌നത്തില്‍ സമരമാരംഭിച്ച വിദ്യാര്‍ഥികള്‍ ഇന്നലെ ഡയറക്ടറെ ഉപരോധിച്ചിരുന്നു.
ഇക്കഴിഞ്ഞ വ്യാഴാഴ്ച ക്യാംപസിന് സമീപം സെന്ററിലെ വിദ്യാര്‍ഥികള്‍ ഓടിച്ചിരുന്ന രണ്ട് ബൈക്കുകള്‍ കൂട്ടിയിടിച്ച് നാലു വിദ്യാര്‍ഥികള്‍ക്ക്് പരിക്കേറ്റിരുന്നു. സൗരിയ, അമീര്‍സുഹൈല്‍, ഷര്‍മത്ത് അസീദ്്, ഷഹബാസ് അലി എന്നിവര്‍ക്കാണ് പരിക്കേറ്റത്. ഇവരെ ആശുപത്രിയിലാക്കാന്‍ കോളജിന്റെ ആംബുലന്‍സ് ലഭിക്കാത്തതാണ് പ്രശ്‌നങ്ങള്‍ക്കു വഴിവെച്ചത്്. എന്നാല്‍ ഡ്രൈവര്‍ ഇല്ലാത്തതുകൊണ്ടാണ് ആംബുലന്‍സ് വിട്ടുകൊടുക്കാത്തത് എന്നാണ് ഡയറക്ടര്‍ പറയുന്നത്. പരിക്കേറ്റ വിദ്യാര്‍ഥികളില്‍ മൂന്നുപേര്‍ ഇപ്പോഴും ആശുപത്രിയില്‍ ചികില്‍സയിലാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day