|    Dec 13 Wed, 2017 1:17 am
FLASH NEWS
Home   >  Todays Paper  >  Page 4  >  

അറ്റകുറ്റപണിക്കിടെ ട്രെയിന്‍ കടത്തിവിട്ടു; സ്റ്റേഷന്‍മാസ്റ്റര്‍ക്ക് സസ്‌പെന്‍ഷന്‍

Published : 29th April 2016 | Posted By: SMR

തൃശൂര്‍: ഒല്ലൂരില്‍ അറ്റകുറ്റപ്പണി നടക്കുന്ന ട്രാക്കിലൂടെ ട്രെയിന്‍ കടന്നുവരാനിടയായ സംഭവത്തില്‍ സ്റ്റേഷന്‍മാസ്റ്റര്‍ക്ക് സസ്‌പെന്‍ഷന്‍. ഡ്യൂട്ടി സ്റ്റേഷന്‍ മാസ്റ്റര്‍ ടി വിനുവിനെയാണ് അന്വേഷവിധേയമായി സസ്‌പെന്‍ഡ് ചെയ്തത്. ഗുരുതരമായ സുരക്ഷാ വീഴ്ച സംബന്ധിച്ച് റെയില്‍വേ അന്വേഷണമാരംഭിച്ചു. കഴിഞ്ഞ ദിവസമാണ് തിരുവനന്തപുരം-ന്യൂഡല്‍ഹി-കേരള എക്‌സ്പ്രസ് ഒല്ലൂരില്‍ അറ്റകുറ്റപണികള്‍ നടക്കുന്ന ട്രാക്കിലേക്ക് കയറിവന്നത്. അപകടം തിരിച്ചറിഞ്ഞയുടനെ ട്രെയിന്‍ രണ്ടുകിലോമീറ്ററോളം എതിര്‍ദിശയില്‍ സഞ്ചരിച്ച ശേഷം മറ്റൊരു ട്രാക്കിലൂടെ കടത്തിവിടുകയായിരുന്നു. സിഗ്നല്‍ ഇല്ലാത്ത പാളത്തിലേക്ക് തീവണ്ടി കടന്നുവരാന്‍ ഇടയായതിനാണ് നടപടി. ട്രാക്കില്‍ അറ്റകുറ്റപണികള്‍ നടക്കുന്ന വിവരം അറിയാമായിരുന്നിട്ടും ഈ ട്രാക്കിലേക്ക് ട്രെയിന്‍ കടന്നുവരാനുള്ള സിഗ്നല്‍ വിച്ഛേദിക്കാതിരുന്നതാണ് സുരക്ഷാ വീഴ്ചയായത്. സുരക്ഷാ വീഴ്ച മറയ്ക്കാന്‍ ട്രെയിന്‍ രണ്ട് കിലോമീറ്ററോളം പിറകോട്ടെടുത്തതും ഗുരുതരമായ പിഴവാണെന്നാണ് വിലയിരുത്തല്‍.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക