|    Feb 24 Sat, 2018 12:10 am
FLASH NEWS

അറുവച്ചാന്‍കുഴി-ഐത്തല-ഇട്ടിയപ്പാറ റോഡ് നിര്‍മാണം ഉടന്‍ ആരംഭിക്കും

Published : 26th May 2017 | Posted By: fsq

 

റാന്നി: അറുവച്ചാന്‍കുഴി-ഐത്തല-ഇട്ടിയപ്പാറ റോഡ് നിര്‍മാണം ഉടന്‍ ആരംഭിക്കുമെന്ന് രാജു ഏബ്രഹാം എംഎല്‍എ അറിയിച്ചു. നേരത്തേ ഭരണാനുമതി ലഭിച്ചിരുന്നെങ്കിലും ചില സാങ്കേതിക പ്രശ്‌നങ്ങള്‍ ഉണ്ടായതുകൊണ്ട് സാങ്കേതികാനുമതി ലഭിക്കാന്‍ വൈകുകയായിരുന്നു.പമ്പയാറിന് വലതുകരയില്‍ കൂടി റാന്നി നിയോജക മണ്ഡലത്തിന്റെ വടക്കേയറ്റത്തുളള  അറുവച്ചാന്‍കുഴിയില്‍ തുടങ്ങി ഐത്തലയില്‍ എത്തി ഇട്ടിയപ്പാറയില്‍ അവസാനിക്കുന്ന റോഡാണ് ആധുനിക രീതിയില്‍ വികസിപ്പിക്കാന്‍ എംഎല്‍എ പദ്ധതി തയ്യാറാക്കിയത്. അറുവച്ചാന്‍കുഴി മുതല്‍ നവേദയ വരെയുള്ള 12 കിമീ ദൂരംറോഡ് വികസിപ്പിക്കുവാനാണ് ആദ്യ ഘട്ടത്തില്‍ അനുമതി ലഭിച്ചത്. എസ്റ്റിമേറ്റ് തയ്യാറാക്കിയത് പഴയ ഷെഡ്യൂള്‍ പ്രകാരമായതിനാല്‍  ഇപ്പോള്‍ 3.80 മീറ്റര്‍ വീതിയിലാണ് ബിഎംബിസി സാങ്കേതികവിദ്യ ഉപയോഗിച്ച് ദേശീയനിലവാരത്തില്‍ റോഡ് നിര്‍മിക്കുന്നത്. സാങ്കേതിക പ്രശ്‌നങ്ങള്‍ പരിഹരിക്കാനാണ് കാലതാമസം നേരിട്ടത്. എംഎല്‍എ തന്നെ മുന്‍കൈ എടുത്ത് വിവിധതലങ്ങളില്‍ ചര്‍ച്ചകള്‍ നടത്തിയതിനേ തുടര്‍ന്നാണ് ചീഫ് എന്‍ജിനീയര്‍ റോഡ് നിര്‍മ്മാണത്തിന് ഇപ്പോള്‍ അന്തിമാനുമതി നല്‍കിയത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss