|    Oct 18 Wed, 2017 7:52 am
FLASH NEWS

അറബിക് സര്‍വകലാശാല: സര്‍ക്കാര്‍ വാക്ക്പാലിക്കണമെന്ന് ആക്ഷന്‍ കൗണ്‍സില്‍

Published : 1st October 2017 | Posted By: fsq

 

കൊല്ലം: എല്‍ഡിഎഫ് പ്രകടന പത്രികയില്‍ വാഗ്ദാനം നല്‍കിയ നിര്‍ദ്ദിഷ്ട അറബിക് സര്‍വകലാശാല സ്ഥാപിക്കുന്ന വിഷയത്തില്‍ അലംഭാവം പ്രകടിപ്പിക്കാതെ ഉടന്‍ തന്നെ ഇതുസംബന്ധിച്ച നടപടി സ്വീകരിക്കണമെന്ന് ആക്ഷന്‍ കൗണ്‍സില്‍ യോഗം ആവശ്യപ്പെട്ടു. ഷാര്‍ജാ സുല്‍ത്താന്‍ കേരളത്തിന് നിരവധി ആനുകൂല്യങ്ങള്‍ പ്രഖ്യാപിക്കുകയും അറബി പഠനത്തിനും ഗവേഷണത്തിനും സ്ഥാപനം ഉണ്ടാക്കുമെന്നും ഉറപ്പു നല്‍കിയ അവസരത്തില്‍ അറബിക് സര്‍വകലാശാലാ വിഷയം ഉന്നയിക്കുന്നതില്‍ അധികാരികള്‍ മൗനം ഭജിച്ചതില്‍ യോഗം ഖേദം പ്രകടിപ്പിച്ചു. അറബിക് സര്‍വകലാശാലാ വിഷയത്തില്‍ യുഡിഎഫ് സര്‍ക്കാര്‍ നിഷേധാത്മക സമീപനമാണ് സ്വീകരിച്ചതെന്നും യോഗം ആരോപിച്ചു. കൊല്ലം പബ്ലിക് ലൈബ്രറി ഹാളില്‍ നടന്ന യോഗം കേരള മുസ്്‌ലിം ജമാഅത്ത് ഫെഡറേഷന്‍ സംസ്ഥാന ജനറല്‍ സെക്രട്ടറി കെ പി മുഹമ്മദ് ഉദ്ഘാടനം ചെയ്തു. ആക്ഷന്‍ കൗണ്‍സില്‍ ചെയര്‍മാന്‍ എം എ സമദ് അധ്യക്ഷത വഹിച്ചു. ജനറല്‍ കണ്‍വീനര്‍ എം എസ് മൗലവി, എ നിസാമുദ്ദീന്‍, എം ഇമാമുദ്ദീന്‍, മുഹമ്മദ് ബഷീര്‍, ഹംസ എ കഴുവേലി, കല്ലമ്പലം ഷെഫീഖ് മൗലവി, യു അബ്ദുല്‍ ബാരി, ഹാഷിം ഹാജി, അബ്ദുല്‍ റഹുമാന്‍, ബഷീര്‍ നഗരൂര്‍, അബു സുമ്മയ്യ, മുഹമ്മദ് മുബീന്‍, ജെ എം അസ്്‌ലം സംസാരിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക