|    Jan 24 Tue, 2017 4:41 am

അരൂരില്‍ മരം വീണ് വീട് തകര്‍ന്നു

Published : 5th April 2016 | Posted By: SMR

അരൂര്‍: പുറംമ്പോക്കില്‍ നിന്നിരുന്ന പനമരം വീണ് വീട് തകര്‍ന്നു. അരൂര്‍ പഞ്ചായത്ത് നാലാം വാര്‍ഡില്‍ പോത്താനിക്കടവില്‍ സതീശന്റെ വീടാണ് മരം വീണ് തകര്‍ന്നത്.
വീടിനോട് ചേര്‍ന്ന് നിര്‍മിച്ചിരുന്ന കുളിമുറിയും അടുക്കളുടെ ഭാഗവും വീടിന്റെ മുകളിലുള്ള കോണി മുറിയും പൂര്‍ണമായും തകര്‍ന്ന അവസ്ഥയിലാണ്. പുറംമ്പോക്കില്‍ നിന്നിരുന്ന പനമരം അപകടാവസ്ഥയിലാണെന്ന് വൈദ്യുതി വകുപ്പ് ഉദ്യോഗസ്ഥരെ മുന്‍കൂട്ടി അറിയിച്ചിരുന്നു വെങ്കിലും നടപടി എടുത്തിരുന്നില്ലെന്ന് സതീശന്‍ പറഞ്ഞു.
അപകടാവസ്ഥയിലായിരുന്ന പന മരത്തിന്റെ സമീപത്തുകുടി ഹൈടെങ്ഷന്‍ വൈദ്യുതി ലൈന്‍ കടന്നു പോവുന്നുണ്ട്. അരൂര്‍ ഗ്രാമപ്പഞ്ചായത്ത് പ്രസിഡന്റ് ബി രത്‌നമ്മ, എന്‍ എം സജിത, വില്ലേജ് ഓഫിസ് അധികൃതര്‍ എന്നിവര്‍ സ്ഥലംസന്ദര്‍ശിച്ചു. ഒരുലക്ഷംരൂപയുടെ നഷ്ടമുണ്ടായതായി സതീശന്‍ പറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 68 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക