|    May 26 Fri, 2017 4:49 pm
FLASH NEWS

അരുവിക്കര മണ്ഡലത്തില്‍ എല്‍ഡിഎഫ്- യുഡിഎഫ് സംഘര്‍ഷം; ഒരാള്‍ക്ക് പരിക്ക്

Published : 15th May 2016 | Posted By: SMR

നെടുമങ്ങാട്: ഇടതു സ്ഥാനാര്‍ഥി എ എ റഷീദിനെതിരെ അരുവിക്കര മണ്ഡലത്തില്‍ അപകീര്‍ത്തികരമായ ലഘുലേഖ വിതരണം ചെയ്തു. സംഭവം തടയാനെത്തിയ എല്‍ഡിഎഫ് പ്രവര്‍ത്തകരും വിതരണം നടത്തുകയായിരുന്ന യുഡിഎഫ് പ്രവര്‍ത്തകരും തമ്മില്‍ ഏറ്റുമുട്ടി.
പരസ്യപ്രചാരണത്തിന്റെ അവസാന ദിവസമായ ഇന്നലെയായിരുന്നു ഇത്. അരുവിക്കര മണ്ഡലത്തിലെ അരുവിക്കര, പൂവച്ചല്‍, ഉഴമലയ്ക്കല്‍ ഗ്രാമപഞ്ചായത്തുകളിലാണ് ലഘുലേഖ വിതരണം വ്യാപകമായി നടന്നത്.
യൂനിവേഴ്‌സിറ്റി അസിസ്റ്റന്റ് നിയമനത്തില്‍ എ എ റഷീദിനെതിരെ ആരോപണമുള്ളതായി ഒരു ദിനപത്രത്തില്‍ വന്ന വാര്‍ത്തയോടൊപ്പം സ്ഥാനാര്‍ഥിയുടെ ഫോട്ടോയും പതിച്ചാണ് ഉന്നത വിദ്യാഭ്യാസ സംരക്ഷണ സമിതിയുടെ പേരില്‍ ലഘുലേഖ ഇറക്കിയത്. പൂവച്ചലില്‍ നടന്ന സംഘര്‍ഷത്തില്‍ ഒരു യുഡിഎഫ് പ്രവര്‍ത്തകനു പരിക്കേറ്റു. എല്‍ഡിഎഫ് നേതാക്കളുടെ പരാതിയില്‍ അരുവിക്കര, കാട്ടാക്കട പോലിസ് 11 യുഡിഎഫ് പ്രവര്‍ത്തകരെ അറസ്റ്റു ചെയ്ത് ജാമ്യത്തില്‍ വിട്ടു. സംഭവത്തില്‍ ഇലക്ഷന്‍ കമ്മീഷന് പരാതി നല്‍കുമെന്ന് എല്‍ഡിഎഫ് നേതാക്കള്‍ പറഞ്ഞു. എന്നാല്‍, മണ്ഡലത്തില്‍ അക്രമം അഴിച്ചുവിടുകയാണ് എല്‍ഡിഎഫ് എന്ന് യുഡിഎഫ് നേതാക്കള്‍ ആരോപിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day