|    Jun 27 Tue, 2017 4:00 pm
FLASH NEWS
Home   >  Todays Paper  >  page 7  >  

അരുണാചല്‍പ്രദേശ് കേസ് സുപ്രിംകോടതി ഭരണഘടനാ ബെഞ്ചിന് വിട്ടു

Published : 15th January 2016 | Posted By: SMR

ന്യൂഡല്‍ഹി: അരുണാചല്‍പ്രദേശ് നിയമസഭയുമായി ബന്ധപ്പെട്ട് ഗുവാഹത്തി ഹൈക്കോടതി പുറപ്പെടുവിച്ച ഉത്തരവുകള്‍ ചോദ്യം ചെയ്ത് സമര്‍പ്പിച്ച ഹരജികള്‍ സുപ്രിംകോടതി ഭരണഘടനാ ബെഞ്ചിന് വിട്ടു.
ഗവര്‍ണര്‍, സ്പീക്കര്‍, ഡെപ്യൂട്ടി സ്പീക്കര്‍ എന്നിവരുടെ അവകാശവുമായി ബന്ധപ്പെട്ട കേസ് ഭരണഘടനാ വിഷയമായതിനാലാണ് ബെഞ്ചിന് കൈമാറുന്നതെന്ന് ജസ്റ്റിസുമാരായ ജെ എസ് ഖെഹര്‍, സി നാഗപ്പന്‍ എന്നിവര്‍ പറഞ്ഞു.
കോണ്‍ഗ്രസ്സിലെ 14 വിമത എംഎല്‍എമാരും ബിജെപി എംഎല്‍എമാരും ചേര്‍ന്ന് സ്പീക്കര്‍ സ്ഥാനത്തു നിന്നു പുറത്താക്കിയ നാബം റെബിയയുടെ അഭിഭാഷകന്‍ കോടതിയി ല്‍ കേസ് ഭരണഘടനാ ബെഞ്ചിന് വിടണമെന്ന് ആവശ്യപ്പെട്ടിരുന്നു.കോടതി തീരുമാനം പ്രഖ്യാപിച്ച ഉടനെ എഫ് എ സ് നരിമാന്‍, കപില്‍ സിബല്‍, ഹരീഷ് സാല്‍വെ തുടങ്ങിയ പ്രമുഖ അഭിഭാഷകര്‍ ചീഫ് ജസ്റ്റിസ് ടി എസ് ഠാക്കൂറിന്റെ കോടതിയിലെത്തി അടിയന്തരമായി ഭരണഘടനാ ബെഞ്ച് രൂപീകരിക്കണമെന്ന് ആവശ്യപ്പെട്ടു. ഉടനെ തീരുമാനം എടുക്കുമെന്ന് ചീഫ് ജസ്റ്റിസ് അവരെ അറിയിച്ചു.
18 വരെ സംസ്ഥാന നിയമസഭ നടപടികള്‍ നടത്തരുതെന്ന് കഴിഞ്ഞ ദിവസം സുപ്രിംകോടതി ഉത്തരവിട്ടിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക