|    Feb 24 Sat, 2018 11:44 am
FLASH NEWS

അരി മറിച്ചുവിറ്റു : നാല് എഫ്‌സിഐ ഉദ്യോഗസ്ഥരെ സസ്‌പെന്റ് ചെയ്തു

Published : 26th May 2017 | Posted By: fsq

 

പയ്യോളി: ഫുഡ് കോര്‍പറേഷന്‍ ഓഫ് ഇന്ത്യയുടെ തിക്കോടി ഗോഡൗണില്‍ നിന്നും മീനങ്ങാടി ഡിപ്പോയിലേക്ക് പോയ അരി മറിച്ചുവിറ്റു എന്ന ആരോപണത്തെ തുടര്‍ന്ന് നാലുപേരെ സസ്‌പെന്‍ഡ് ചെയ്തു. അസിസ്റ്റന്റ് മാനേജര്‍ അന്‍സമ്മാ മണി, ഗോഡൗണ്‍ ഇന്‍ചാര്‍ജ് പ്രേമന്‍, അസിസ്റ്റന്റ് മദുസൂദനന്‍, ഓഫിസ് സ്റ്റാഫ് ശ്രീരാജ് എന്നിവരെയാണ് ജന. മാനേജര്‍ കെ സി സാബു സസ്‌പെന്‍ഡ് ചെയ്തത്. ഈ മാസം 20ന് മീനങ്ങാടി ആദിവാസി മേഖലകളില്‍ വിതരണത്തിനുള്ള മുന്തിയ ഇനം അരിയുമായി പോയ 18 ലോറികളില്‍ ഒന്നാണ് മീനങ്ങാടി ഡിപ്പോയില്‍ എത്താതിരുന്നത്. 50 കിലോഗ്രാം വീതം തൂക്കം വരുന്ന വരുന്ന 205 ചാക്ക് അരിയാണ് ഇതിലുള്ളത്. കോഴിക്കോട് വലിയങ്ങാടിയില്‍ മറിച്ചുവിറ്റതായാണ് സംശയിക്കുന്നത്. ഉദ്യോഗസ്ഥരുടെ ഒത്താശയോടെ കരാറുകാരാണ് ഇതിനു പിന്നിലെന്നും ആരോപണമുണ്ട്. എഫ്്‌സിഐ ഗോഡൗണിലെ നിരീക്ഷണ ക്യാമറ പ്രവര്‍ത്തനരഹിതമായതാണ് ഇത്തരം സംഭവങ്ങള്‍ക്ക് കാരണമെന്ന് തൊഴിലാളികള്‍ പറയുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss