|    Apr 20 Fri, 2018 6:30 pm
FLASH NEWS

അയ്യപ്പഭക്തര്‍ സഞ്ചരിച്ച കാര്‍ കടയിലേക്ക് ഇടിച്ചു കയറി അപകടം

Published : 15th March 2018 | Posted By: kasim kzm

എരുമേലി: അടച്ചിട്ടിരുന്ന കടയിലേക്ക് സ്‌കോര്‍പിയോ കാര്‍  ഇടിച്ചു കയറി അപകടം. വാഹനത്തിലുണ്ടായിരുന്ന അയ്യപ്പഭക്തര്‍ക്കാര്‍ക്കും പരിക്കുകളില്ല. ഇന്നലെ  പുലര്‍ച്ചെയാണ് സംഭവം. എരുമേലി പേട്ടക്കവലയില്‍ പെട്രോള്‍ ബങ്കിന് എതിര്‍വശത്തെ പടുത, പന്തല്‍ സാധനങ്ങള്‍ വാടകയ്ക്ക് നല്‍കുന്ന എംഎസ്എ  കടയിലേക്കാണ് കാര്‍ ഇടിച്ചുകയറി അപകടമുണ്ടായത്.
ബംഗളൂരു സ്വദേശികളായ അയ്യപ്പഭക്തരാണ് വാഹനത്തിലുണ്ടായിരുന്നത്. ഡ്രൈവിങ്ങിനിടെ  ഡ്രൈവര്‍ ഉറങ്ങിയതാണ് അപകടമുണ്ടാകാന്‍ കാരണമെന്നു പറയുന്നു. കടയുടെ മുന്‍വശം തകര്‍ന്നു. രാത്രിയില്‍ കട അടച്ചിട്ടിരുന്നതിനാല്‍ കടയില്‍ ആരുമുണ്ടായിരുന്നില്ല. അപകട ദൃശ്യങ്ങള്‍ ജെ ഫോര്‍ എസ് എന്ന സ്ഥാപനത്തിന്റെ കാമറയില്‍ പതിഞ്ഞിരുന്നു. സ്‌കോര്‍പിയോ കാര്‍ അമിതവേഗതയില്‍ കടയിലേക്ക് ഇടിച്ചു കയറുന്നതാണ് ദൃശ്യത്തിലുള്ളത്. ഡ്രൈവര്‍ ഉറങ്ങിയതാണ് നിയന്ത്രണം തെറ്റി അപകടമായതെന്നു കാമറയിലെ ദൃശ്യങ്ങള്‍ വ്യക്തമാക്കുന്നു. എതിരെ വാഹനങ്ങള്‍ വരാതിരുന്നതും കടയില്‍ ആരുമില്ലാതിരുന്നതും വന്‍ അപകടം ഒഴിവാക്കി. തകര്‍ന്ന കടയുടെ ഉടമക്ക് തീര്‍ത്ഥാടകര്‍ നഷ്ടപരിഹാരം നല്‍കി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss