|    Jun 21 Thu, 2018 12:54 am
FLASH NEWS
Home   >  Todays Paper  >  Page 4  >  

അയല്‍വാസി ചവിട്ടേറ്റു മരിച്ച സംഭവം: പ്രതി പിടിയില്‍

Published : 4th June 2018 | Posted By: kasim kzm

പരപ്പനങ്ങാടി: അയല്‍വാസികള്‍ തമ്മിലുള്ള തര്‍ക്കത്തെ തുടര്‍ന്ന് ഗൃഹനാഥന്‍ ചവിട്ടേറ്റു മരിച്ച സംഭവത്തില്‍ ഒളിവിലായിരുന്ന പ്രതിയെ പോലിസ് പിടികൂടി. കഴിഞ്ഞമാസം 11ന് ചെട്ടിപ്പടി ആലുങ്ങല്‍ ബീച്ചില്‍ അമ്പളം കടവത്ത് കുഞ്ഞാവ (56)യാണ് അയല്‍വാസികള്‍ തമ്മിലുള്ള തര്‍ക്കത്തിനിടെ മരിച്ചത്.
ആദ്യം തര്‍ക്കത്തെ തുടര്‍ന്ന് കുഴഞ്ഞുവീണ് മരിച്ചെന്നായിരുന്നു പോലിസ് പറഞ്ഞിരുന്നത്. എന്നാല്‍ പോസ്റ്റ്‌മോര്‍ട്ടം റിപോര്‍ട്ട് ലഭിച്ചതില്‍ ചവിട്ടേറ്റതാണ് മരണകാരണമെന്ന് കണ്ടെത്തി. സംഭവത്തെ തുടര്‍ന്ന് ഒളിവില്‍ പോയിരുന്ന മമ്മാലിന്റെ പുരക്കല്‍ സലാമിനെ (28) തിരൂരില്‍ വച്ച് ഇന്നലെ രാവിലെ പോലിസ് അറസ്റ്റ് ചെയ്തു. അസ്വാഭാവിക മരണമെന്ന നിഗമനത്തില്‍ നിന്ന് മര്‍ദനമേറ്റെന്ന കണ്ടെത്തല്‍, ബന്ധുക്കളടക്കം പറഞ്ഞ കാര്യങ്ങള്‍ മുഖവിലയ്‌ക്കെടുക്കാത്ത പോലിസ് നടപടി വിവാദമായിരിക്കുകയാണ്.
പ്രതിയെ രക്ഷപ്പെടുത്താന്‍ ഭരണകക്ഷിയില്‍പ്പെട്ട രാഷ്ട്രീയപ്പാര്‍ട്ടിയുടെ സ്വാധീനമുണ്ടായിരുന്നതായി ബന്ധുക്കള്‍ ആരോപിക്കുന്നുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss