|    Dec 14 Fri, 2018 2:59 pm
FLASH NEWS
Home   >  Todays Paper  >  page 12  >  

അമൃതം ന്യൂട്രിമിക്‌സ് വ്യാപിപ്പിക്കുന്നതിന് 1.40 കോടി

Published : 29th May 2018 | Posted By: kasim kzm

തിരുവനന്തപുരം: വനിതാ-ശിശു വികസന വകുപ്പ് സംയോജിത ശിശുവികസന സേവനപദ്ധതിയുടെ ഭാഗമായി അങ്കണവാടികള്‍ വഴി വിതരണം ചെയ്യുന്ന അമൃതം ന്യൂട്രിമിക്‌സ് ഫോര്‍ട്ടിഫിക്കേഷന്‍ സംസ്ഥാനത്ത് വ്യാപിപ്പിക്കുന്നതിനായി 1,39,92,273 രൂപയുടെ ഭരണാനുമതി നല്‍കിയതായി ആരോഗ്യ-സാമൂഹികനീതി മന്ത്രി കെ കെ ശൈലജ ടീച്ചര്‍ അറിയിച്ചു.
ഒരു കുഞ്ഞിന്റെ ആദ്യ ആയിരം ദിനങ്ങള്‍ വളര്‍ച്ചയുടെയും വികാസത്തിന്റെയും അടിത്തറ പാകുന്നവയാണ്. ഈ കാലത്തുണ്ടാവുന്ന ന്യൂനപോഷണത്തിന് ദൂരവ്യാപകമായ പ്രത്യാഘാതങ്ങള്‍ ഉണ്ടാവുന്നു. ഇതിനു പരിഹാരമായി മൂന്നു വയസ്സിന് താഴെ പ്രായമുള്ള കുട്ടികള്‍ക്ക് അങ്കണവാടികള്‍ വഴി നല്‍കിവരുന്ന ടിഎച്ച്ആര്‍ ന്യൂട്രിമിക്‌സ് മിശ്രിതം പൈലറ്റ് പ്രൊജക്റ്റായി 2017-18 സാമ്പത്തികവര്‍ഷം യൂനിസെഫിന്റെ സഹകരണത്തോടെ വയനാട് ജില്ലയില്‍ നടപ്പാക്കിയിരുന്നു.
പദ്ധതി വിജയകരമായതിനെ തുടര്‍ന്നാണ് സംസ്ഥാനമൊട്ടാകെ വ്യാപിപ്പിക്കുന്നത്. മൈക്രോ ന്യൂട്രിയന്‍സ് ഫോര്‍ട്ടിഫിക്കേഷന്‍ മിശ്രിതത്തിന്റെ വിലയും ന്യൂട്രിമിക്‌സ് ലാബ് പരിശോധനയ്ക്കു വിധേയമാവുന്നതിന്റെ ചെലവും സഹിതം ആറുമാസത്തേക്ക് അമൃതം ന്യൂട്രിമിക്‌സ് ഫോര്‍ട്ടിഫൈ ചെയ്യുന്നതിനായാണ് തുക അനുവദിച്ചത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss