|    Oct 16 Tue, 2018 7:04 am
FLASH NEWS
Home   >  Todays Paper  >  Page 5  >  

അഭിലാഷ് ടോമി സുഖംപ്രാപിക്കുന്നു

Published : 27th September 2018 | Posted By: kasim kzm

കൊച്ചി: ഗോള്‍ഡന്‍ ഗ്ലോബ് പ്രയാണത്തിനിടയില്‍ നടുക്കടലില്‍ പായ്‌വഞ്ചി തകര്‍ന്ന് പരിക്കേറ്റ മലയാളി നാവികന്‍ കമാന്‍ഡര്‍ അഭിലാഷ് ടോമി സുഖംപ്രാപിക്കുന്നതായി നാവികസേനാ അധികൃതര്‍ അറിയിച്ചു. അഭിലാഷ് ടോമിയുമായി നാവികസേനാ വൈസ് അഡ്മിറല്‍ പി അജിത്കുമാര്‍ ഇന്നലെ ഫോണില്‍ ബന്ധപ്പെട്ട് സുഖവിവരങ്ങള്‍ അേന്വഷിച്ചു.
ആംസ്റ്റര്‍ഡാം ദ്വീപില്‍ ചികില്‍സയില്‍ കഴിയുന്ന അഭിലാഷ് ടോമി സുഖംപ്രാപിച്ചുവരുകയാണ്. അദ്ദേഹത്തിനു സംസാരിക്കാനും ഭക്ഷണം കഴിക്കാനും സാധിക്കുന്നുണ്ട്. ഫ്രാന്‍സിന്റെ നിയന്ത്രണത്തിലുള്ള ഫ്രഞ്ച് കോളനിയാണ് ആംസ്റ്റര്‍ഡാം ദ്വീപ്. ഇവിടത്തെ ഏക ആശുപത്രിയിലാണ് അഭിലാഷ് ടോമിയെ പ്രവേശിപ്പിച്ചിരിക്കുന്നത്. ഫ്രഞ്ച് മല്‍സ്യബന്ധനയാനമായ ഓസിരിസില്‍ ചൊവ്വാഴ്ച രാവിലെയാണ് ആംസ്റ്റര്‍ഡാം ദ്വീപില്‍ അഭിലാഷിനെ എത്തിച്ചത്. കടല്‍ അവിശ്വസനീയമാം വിധം ക്ഷോഭിച്ചുവെന്നും നാവിക സേനാംഗമെന്ന നിലയില്‍ തനിക്ക് ലഭിച്ച പരിശീലനമാണ് സഹായകമായതെന്നും അഭിലാഷ് ടോമി പറഞ്ഞതായി നാവിക സേന വക്താവ് അറിയിച്ചു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss