|    Jan 20 Fri, 2017 3:31 pm
FLASH NEWS

അഭിഭാഷകര്‍ പണിമുടക്കരുത്: സുപ്രിംകോടതി

Published : 28th November 2015 | Posted By: SMR

ന്യൂഡല്‍ഹി: അഭിഭാഷകര്‍ പണിമുടക്കരുതെന്നും കോടതി ബഹിഷ്‌കരിക്കരുതെന്നും സുപ്രിംകോടതി. പ്രശ്‌നപരിഹാരത്തിന് യോഗം വിളിച്ചുകൂട്ടാന്‍ അഭിഭാഷകസംഘടനകള്‍ക്ക് ഒരു മാസത്തെ സമയം അനുവദിച്ചിട്ടുണ്ട്. അഭിഭാഷകരുടെ സമരം ബ്രഹ്മാസ്ത്രത്തിനു തുല്യമാണെന്നും അതു ക്ലേശകരമായ സാഹചര്യത്തില്‍ ഉപയോഗിക്കേണ്ടതാണെന്നും ജഡ്ജിമാരായ കുര്യന്‍ ജോസഫ്, അരുണ്‍ മിശ്ര എന്നിവരടങ്ങിയ ബെഞ്ച് അഭിപ്രായപ്പെട്ടു.
എന്നാല്‍, സമരം ഇപ്പോള്‍ അടിക്കടി ഉണ്ടാവുന്നുവെന്നും അവര്‍ പറഞ്ഞു. ഡല്‍ഹി ഹൈക്കോടതിയിലും ജില്ലാ കോടതികളിലും അഭിഭാഷകര്‍ ഈയിടെ നടത്തിയ സമരത്തിനെതിരേ കോമണ്‍കോസ് എന്ന സര്‍ക്കാരിതരസംഘടന സമര്‍പ്പിച്ച പൊതുതാല്‍പര്യ ഹരജിയില്‍ വാദംകേള്‍ക്കവെയാണ് സുപ്രിംകോടതി നിരീക്ഷണം നടത്തിയത്. സുപ്രിംകോടതിയുടെ ഭരണഘടനാ ബെഞ്ച് അഭിഭാഷകരുടെ സമരം നേരത്തേ നിരോധിച്ചതാണെന്നും ബെഞ്ച് ചൂണ്ടിക്കാട്ടി.

Share on FacebookShare on Google+Tweet about this on TwitterShare on LinkedIn
(Visited 52 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക