കൊച്ചി: നിയമസഭാ തിരഞ്ഞെടുപ്പുമായി ബന്ധപ്പെട്ട അഭിപ്രായ വോട്ടെടുപ്പുകള്‍ക്ക് നിയന്ത്രണമേര്‍പ്പെടുത്താനാവില്ലെന്ന് തിരഞ്ഞെടുപ്പ് കമ്മീഷന്‍ ഹൈക്കോടതിയെ അറിയിച്ചു. തിരഞ്ഞെടുപ്പ് ദിവസത്തെ എക്‌സിറ്റ്‌പോളിന് മാത്രമേ നിലവില്‍ നിയമപരമായ വിലക്കുള്ളൂവെന്നും കമ്മീഷന്‍ ചൂണ്ടിക്കാട്ടി. അഭിപ്രായ വോട്ടെടുപ്പുകള്‍ക്ക് നിയന്ത്രണമേര്‍പ്പെടുത്തണമെന്നാവശ്യപ്പെട്ടുള്ള ഹരജിയിലാണ് കമ്മീഷന്റെ വിശദീകരണം.