|    Jan 22 Sun, 2017 5:20 am
FLASH NEWS

അഭയാര്‍ഥി ബോട്ട് മുങ്ങി തുര്‍ക്കി തീരത്ത് 40ഓളം പേര്‍ മരിച്ചു

Published : 31st January 2016 | Posted By: SMR

അങ്കറ: തുര്‍ക്കി തീരത്ത് അഭയാര്‍ഥി ബോട്ട് മറിഞ്ഞ് 39 പേര്‍ മരിച്ചു. മരിച്ചവരില്‍ ഏഴു കുട്ടികളും ഉള്‍പ്പെടും. ഈജിയന്‍ കടല്‍ വഴി തുര്‍ക്കിയില്‍ നിന്നു ഗ്രീസിലേക്കു കടക്കാന്‍ ശ്രമിച്ചവരാണ് അപകടത്തില്‍ പെട്ടതെന്നു തുര്‍ക്കി, ഗ്രീക്ക് തീരസേന അറിയിച്ചു. ബോട്ടിലുണ്ടായിരുന്ന 60ഓളം പേരെ രക്ഷപ്പെടുത്തിയിട്ടുണ്ട്. അപകടത്തില്‍പ്പെട്ട ബോട്ടിനായി തിരച്ചില്‍ തുടരുകയാണ്. ബോട്ട് കണ്ടെടുക്കാത്തതിനാല്‍ മരണസംഖ്യ ഇനിയും ഉയരാന്‍ സാധ്യതയുണ്ടെന്ന് ഔദ്യോഗികവൃത്തങ്ങള്‍ അറിയിച്ചു.
ദിവസങ്ങള്‍ക്കു മുമ്പ് ഗ്രീക്ക് തീരത്ത് അഭയാര്‍ഥി ബോട്ട് മുങ്ങി 26 പേര്‍ മരിച്ചിരുന്നു. യൂറോപ്പിലേക്കു കടക്കുന്ന അഭയാര്‍ഥികളുടെ പ്രധാന സഞ്ചാരപാതയാണ് ഗ്രീസ്. തുര്‍ക്കിയില്‍ നിന്ന് ഈജിയന്‍ കടല്‍ വഴി ഗ്രീസിലെത്തി തുടര്‍ന്ന് മറ്റു യൂറോപ്യന്‍ രാജ്യങ്ങളിലേക്കു കടക്കുകയാണ് പതിവ്.
ഗ്രീസിലെ ലെസ്‌ബോസ് ദ്വീപിലാണ് അഭയാര്‍ഥികള്‍ ഏറ്റവും കൂടുതല്‍ എത്തുന്നത്.

Share on FacebookShare on Google+Tweet about this on TwitterShare on LinkedIn
(Visited 61 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക