|    Oct 16 Tue, 2018 1:34 pm
FLASH NEWS

അബ്ദുന്നാസിര്‍ മഅ്ദനിയ്ക്ക് മതിയായ ചികില്‍സ ഉറപ്പാക്കണം: ഡികെജെയു

Published : 6th March 2018 | Posted By: kasim kzm

പത്തനംതിട്ട: രോഗങ്ങളാല്‍ അവശതയനുഭവിക്കുന്ന അബ്ദുല്‍ നാസര്‍ മഅ്ദനിയ്ക്ക് മതിയായ ചികില്‍സ ഉറപ്പാക്കാന്‍ കേരള സര്‍ക്കാര്‍ മുന്‍കൈയ്യെടുക്കണമെന്ന് ദക്ഷിണ കേരള ജംഇയ്യത്തുല്‍ ഉലമാ(ഡികെജെയു) കോഴഞ്ചേരി താലൂക്ക് കമ്മിറ്റി ആവശ്യപ്പെട്ടു.
എം എം അക്ബറിനെ പോലെയുള്ള ഇസ്‌ലാമിക പ്രബോധകരെ ഇല്ലാത്ത വകുപ്പുകള്‍ ചുമത്തി വേട്ടയാടുന്നത് അവസാനിപ്പിക്കണം. സിറിയയില്‍ നരനായാട്ടുനടത്തുന്ന അസദിന്റെ ഭരണകൂട ഭീകരതയ്‌ക്കെതിരെ ലോകമനസാക്ഷി ഉണരണമെന്നും യോഗം അഭ്യര്‍ഥിച്ചു.
കുലശേഖരപതി ഇമാം നിസാര്‍ മൗലവി അല്‍ഖാസിമി ഉദ്ഘാടനം ചെയ്തു. താലൂക്ക് പ്രസിഡന്റ് എ എ മുഹൈമ്മില്‍ മൗലവി അധ്യക്ഷത വഹിച്ചു. ജില്ലാ പ്രസിഡന്റ് ഹാഫിസ് അബ്ദുല്‍ ശുക്കൂര്‍ മൗലവി അല്‍ ഖാസിമി മുഖ്യപ്രഭാഷണം നടത്തി.
സാജിദ് മൗലവി, പി എ ശരീഫുദ്ദീന്‍ മൗലവി സംസാരിച്ചു. ഭാരവാഹികള്‍: പി എ ശരീഫുദ്ദീന്‍ മൗലവി(പ്രസി.), നിസാര്‍ മൗലവി, എ എ മുഹൈമീന്‍ മൗലവി(വൈ. പ്രസി.), സാജിദ് റഷാദി(ജന. സെക്ര.), അബ്ദുല്‍ സമീഅ് മൗലവി ആനപ്പാറ(ഓര്‍ഗ. സെക്ര.), ഹാമിദ്ഖാന്‍ മൗലവി(സെക്ര.), മുഹമ്മദ് റിയാസ് മൗലവി(ഖജാ.). അബ്ദുഷുക്കൂര്‍ മൗലവി, സിദ്ദീഖ് മൗലവി, മുഹമ്മദ് ശരീഫ് മൗലവി, അബ്ദുല്‍ സമീഅ് മൗലവി(ജില്ലാ പ്രതിനിധികള്‍).

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss