|    Jan 22 Sun, 2017 11:45 pm
FLASH NEWS

അഫ്‌സ്പ പിന്‍വലിക്കണം: നാഗാലാന്റിലെ ആദിവാസി ഉന്നതാധികാര സമിതി

Published : 9th June 2016 | Posted By: SMR

കൊഹിമ: വടക്കുകിഴക്കന്‍ മേഖലയില്‍ നിന്നു സായുധസേനകള്‍ക്കു പ്രത്യേകാധികാരം നല്‍കുന്ന നിയമം (അഫ്‌സ്പ) എത്രയും വേഗം പിന്‍വലിക്കണമെന്നു നാഗാലാന്റിലെ ആദിവാസി ഉന്നതാധികാര സമിതിയായ നാഗാഹോഹോ കേന്ദ്രസര്‍ക്കാരിനോട് ആവശ്യപ്പെട്ടു. വടക്കുകിഴക്കന്‍ മേഖലയില്‍ നിന്നു പൊതുവിലും നാഗാമേഖലകളില്‍ നിന്നു പ്രത്യേകിച്ചും അഫ്‌സ്പ പിന്‍വലിക്കുന്നതില്‍ കേന്ദ്രം ഉദാസീന സമീപനമാണു സ്വീകരിക്കുന്നതെന്നു നാഗാഹോഹോ മാധ്യമവിഭാഗം ആരോപിച്ചു.

നാഗാ സിവില്‍ സമൂഹവും മനുഷ്യാവകാശ പ്രവര്‍ത്തകരും ആവര്‍ത്തിച്ചാവശ്യപ്പെട്ടിട്ടും അഫ്‌സ്പ പിന്‍വലിച്ചില്ല. ഡല്‍ഹിയില്‍ മാറിമാറി വരുന്ന സര്‍ക്കാരുകള്‍ അഫ്‌സ്പയുടെ കാര്യത്തില്‍ മൂകസാക്ഷികളായി. നാഗാ മേഖലയില്‍ ഇപ്പോള്‍ ശാന്തമായ അന്തരീക്ഷമാണ്. വിശ്വാസത്തിന്റേതായ അന്തരീക്ഷത്തിനു ഹാനികരമാവുന്ന ഏതു നയവും ബന്ധപ്പെട്ട എല്ലാവരെയും ബാധിക്കും- നാഗാഹോഹോ മാധ്യമവിഭാഗം വാര്‍ത്താക്കുറിപ്പില്‍ പറഞ്ഞു.
വടക്കുകിഴക്കന്‍ മേഖലയിലും ജമ്മുകശ്മീരിലും അഫ്‌സ്പ തുടരുന്നതിന് ആര്‍എസ്എസ് പിന്തുണ പ്രഖ്യാപിച്ച സാഹചര്യത്തിലാണു സംഘടന വാര്‍ത്താക്കുറിപ്പ് പുറത്തിറക്കിയത്. സ്വയംനിര്‍ണയാവകാശത്തിനുവേണ്ടിയുള്ള നാഗന്‍മാരുടെ പോരാട്ടത്തെ ഭീകരവാദവുമായി തുലനംചെയ്യരുതെന്നും നാഗാഹോഹോ ആവശ്യപ്പെട്ടു.

Share on FacebookShare on Google+Tweet about this on TwitterShare on LinkedIn
(Visited 42 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക