|    Oct 21 Sun, 2018 11:43 am
FLASH NEWS
Home   >  News now   >  

അഫ്രിന്‍ വളഞ്ഞതായി തുര്‍ക്കി സൈന്യം

Published : 14th March 2018 | Posted By: kasim kzm

ആങ്കറ: സിറിയയില്‍ കുര്‍ദുകളുടെ നിയന്ത്രണത്തിലുള്ള വടക്കുപടിഞ്ഞാറന്‍ പ്രവിശ്യയായ അഫ്രിന്‍ തുര്‍ക്കി സൈന്യം വളഞ്ഞതായി റിപോര്‍ട്ട്. തുര്‍ക്കി സൈന്യമാണ് ഇതുസംബന്ധിച്ചു വാര്‍ത്ത പുറത്തുവിട്ടത്. പ്രദേശം നിയന്ത്രണത്തിലാക്കിയതായും തുര്‍ക്കി സൈന്യം അറിയിച്ചു. വാര്‍ത്ത ബ്രിട്ടന്‍ ആസ്ഥാനമായി പ്രവര്‍ത്തിക്കുന്ന സിറിയന്‍ ഒബ്‌സര്‍വേറ്ററി ഫോര്‍ ഹ്യൂമന്‍ റൈറ്റ്‌സും സ്ഥിരീകരിച്ചു. ജനുവരിയിലാണ് തുര്‍ക്കി സൈന്യം വിമത വിഭാഗമായ ഫ്രീ സിറിയന്‍ ആര്‍മിയുടെ സഹകരണത്തോടെ അഫ്രീനില്‍ കുര്‍ദ് വൈപിജി സംഘത്തിനു നേരെ സൈനികനീക്കം ആരംഭിച്ചത്.
തുര്‍ക്കി ആക്രമണം തുടങ്ങിയ ശേഷം ആയിരക്കണക്കിനു സിവിലിയന്‍മാര്‍ അഫ്രീനില്‍ നിന്നു പലായനം ചെയ്തതായി സന്നദ്ധ സംഘടനകള്‍ അറിയിച്ചു. തുര്‍ക്കി അതിര്‍ത്തിയിലെ കുര്‍ദ് നിയന്ത്രണത്തിലുള്ള പ്രദേശമാണ് അഫ്രീന്‍.
അതിര്‍ത്തിയില്‍ കുര്‍ദുകള്‍ സായുധപ്രവര്‍ത്തനം നടത്തുന്നുവെന്ന് ആരോപിച്ചാണ് തുര്‍ക്കി അഫ്രീനില്‍ സൈനികനീക്കം തുടങ്ങിയത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss