|    Aug 20 Sun, 2017 12:09 am
FLASH NEWS
Home   >  Todays Paper  >  page 9  >  

അഫ്ഗാനില്‍ 48 മണിക്കൂറിനിടെ രണ്ട് ബോംബാക്രമണങ്ങള്‍

Published : 3rd August 2017 | Posted By: fsq

 

കാബൂള്‍: അഫ്ഗാനില്‍ 48 മണിക്കൂറിനിടെ രണ്ട് ബോംബാക്രമണങ്ങള്‍. ഹിറാത്ത്് പ്രവിശ്യയില്‍ ശിയാ പള്ളിക്കു സമീപമുണ്ടായ ബോംബാക്രമണത്തില്‍ 29 പേര്‍ കാല്ലപ്പെട്ടു. 70ഓളം പേര്‍ക്ക് പരിക്കേറ്റു. ചൊവ്വാഴ്ച രാത്രിയോടെയായിരുന്നു ആക്രമണം. ഉത്തരവാദിത്തം ഐഎസ് ഏറ്റെടുത്തു. കാണ്ഡഹാറില്‍ നാറ്റോ സൈനികസംഘത്തിന് നേര്‍ക്കാണ് രണ്ടാമത്തെ ആക്രമണം. ഇന്നലെ ഉച്ചയോടെയുണ്ടായ ആക്രമണത്തിന്റെ ഉത്തരവാദിത്തം താലിബാന്‍ ഏറ്റെടുത്തു. ശരീരത്തില്‍ സ്‌ഫോടകവസ്തുക്കള്‍ ധരിച്ച ഒന്നിലധികം പേരുള്‍പ്പെടുന്ന സംഘമാണ് ഹിറാത്തിലെ മസ്ജിദില്‍ ബോംബാക്രമണം നടത്തിയതെന്ന് പോലിസ് വക്താവ് അബ്ദുല്ലാഹി വാലിസാദ അറിയിച്ചു. സ്‌ഫോടനത്തിനു മുമ്പായി ഇവര്‍ വിശ്വാസികള്‍ക്ക്‌നേരെ വെടിയുതിര്‍ക്കുകയും ഗ്രനേഡുകള്‍ പ്രയോഗിക്കുകയും ചെയ്തതായി ദൃക്‌സാക്ഷികള്‍ മൊഴിനല്‍കി. അതേസമയം, ആക്രമണം നേരിടുന്നതില്‍ പോലിസ് പരാജയപ്പെട്ടതായി പ്രദേശവാസികള്‍ കുറ്റപ്പെടുത്തി. മസ്ജിദില്‍ പോലിസ് കാവലുണ്ടായിരുന്നെങ്കിലും വെടിവയ്പിനെത്തുടര്‍ന്ന് കാവല്‍ക്കാര്‍ ഭയന്നോടിയെന്നും ഇതിനെത്തുടര്‍ന്ന് പോലിസും നാട്ടുകാരുമായി സംഘര്‍ഷമുണ്ടായതായും പ്രാദേശിക മാധ്യമങ്ങള്‍ റിപോര്‍ട്ട് ചെയ്തു. ആക്രമണത്തില്‍ പ്രതിഷേധിച്ച് മസ്ജിദ് പരിസരത്ത് റാലി സംഘടിപ്പിച്ചു. ശിയ, സുന്നി വിഭാഗക്കാര്‍ ഒരുമിച്ചാണ് റാലിയില്‍ പങ്കെടുക്കുന്നതെന്ന് സംഘാടകര്‍ അറിയിച്ചു. കാണ്ഡഹാറില്‍ സൈന്യത്തിന്റെ വാഹനവ്യൂഹത്തിനു നേര്‍ക്കായിരുന്നു ആക്രമണം. സ്‌ഫോടനത്തില്‍ നാറ്റോ സേനയുടെ രണ്ട് വാഹനങ്ങള്‍ പൂര്‍ണമായും കത്തിനശിച്ചതായി ദൃക്‌സാക്ഷികള്‍ അറിയിച്ചു. വാഹനത്തിനകത്ത് എത്ര പേരുണ്ടായിരുന്നെന്ന് വ്യക്തമല്ല.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക