|    May 29 Mon, 2017 2:06 am
FLASH NEWS

അഫ്ഗാനില്‍ വ്യോമാക്രമണം; 100 താലിബാന്‍ പോരാളികള്‍ മരിച്ചു

Published : 11th October 2015 | Posted By: RKN

ഇസ്‌ലാമാബാദ്: അഫ്ഗാനിസ്താനിലെ കാന്തഹാര്‍ പ്രവിശ്യയില്‍ സൈന്യം നടത്തിയ വ്യോമാക്രമണത്തില്‍ ചുരുങ്ങിയത് 100 താലിബാന്‍ പോരാളികള്‍ മരിച്ചു. ശുരാബക് ജില്ല പിടിച്ചെടുക്കാന്‍ എത്തിയ പോരാളികള്‍ക്കു നേരെ അഫ്ഗാന്‍ സേന വ്യോമാക്രമണം നടത്തുകയായിരുന്നുവെന്ന് കാന്തഹാര്‍ പോലിസ് ഓഫിസിനെ ഉദ്ധരിച്ച് ടോളോ വാര്‍ത്താ ഏജന്‍സി അറിയിച്ചു. അതിര്‍ത്തിമേഖലയില്‍ നിന്നാണ് പോരാളികള്‍ ശുരാബകിലെത്തിയത്.

50 പേര്‍ക്ക് പരിക്കേറ്റിട്ടുണ്ട്. വ്യോമാക്രമണത്തില്‍ സാധാരണക്കാര്‍ മരിക്കുകയോ പരിക്കേല്‍ക്കുകയോ ചെയ്തിട്ടില്ലെന്നും അധികൃതര്‍ പറഞ്ഞു. പാകിസ്താന്‍ അതിര്‍ത്തിയിലുള്ള ശുരാബകില്‍ താലിബാന്‍ പോരാളികള്‍ സജീവമാണ്. സുരക്ഷാസേനയ്ക്കു നേരെ അവര്‍ അടിക്കടി ആക്രമണം നടത്താറുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day