|    Jan 17 Tue, 2017 10:53 pm
FLASH NEWS

അഫ്ഗാനില്‍ ബോംബാക്രമണം: 27 പോലിസുകാര്‍ കൊല്ലപ്പെട്ടു

Published : 1st July 2016 | Posted By: SMR

കാബൂള്‍: അഫ്ഗാനില്‍ പോലിസുകാര്‍ സഞ്ചരിച്ച ബസ്സുകള്‍ക്കു നേരെയുണ്ടായ ബോംബ് ആക്രമണത്തില്‍ 27 പേര്‍ കൊല്ലപ്പെട്ടു. 40ഓളം പേര്‍ക്കു പരിക്കേറ്റു. മരണസംഖ്യ ഇനിയും ഉയരാന്‍ സാധ്യതയുള്ളതായി പോലിസ് അറിയിച്ചു. തലസ്ഥാനമായ കാബൂളില്‍ പോലിസ് ട്രെയിനിങ് അക്കാദമിക്കു സമീപമാണ് ആക്രമണമുണ്ടായത്.
വര്‍ദാക് പ്രവിശ്യയിലെ പരിശീലന കേന്ദ്രത്തില്‍ നിന്നു തിരിച്ചുവരികയായിരുന്ന പോലിസുകാരാണ് കൊല്ലപ്പെട്ടത്. ആക്രമണത്തിന്റെ ഉത്തരവാദിത്തം താലിബാന്‍ ഏറ്റെടുത്തു.
പോലിസ് വാഹനങ്ങള്‍ ലക്ഷ്യംവച്ച് രണ്ടു സ്‌ഫോടനങ്ങളാണുണ്ടായത്. മുന്‍കൂട്ടി ആസൂത്രണം ചെയ്ത ആക്രമണമാണ് കാബൂളിലുണ്ടായതെന്നും അടുത്തകാലത്തായി താലിബാനുണ്ടായ നിരാശയാണ് ഇതിനു പിറകിലെ കാരണമെന്നും അഫ്ഗാനിലെ മുന്‍ പാര്‍ലമെന്റ് അംഗം ദാവൂദ് സുല്‍താന്‍ സോയ് പ്രതികരിച്ചു.

Share on FacebookShare on Google+Tweet about this on TwitterShare on LinkedIn
(Visited 47 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക