|    May 29 Mon, 2017 9:01 pm
FLASH NEWS

അപകട ഭീതി: പട്ടിക്കാട് സംസ്ഥാന പാത താഴ്ത്തിത്തുടങ്ങി

Published : 26th April 2016 | Posted By: SMR

പെരിന്തല്‍മണ്ണ: വാഹനാപകടം തുടര്‍ച്ചയായ പട്ടിക്കാട് സ്‌കൂള്‍ പടിയില്‍ റോഡ് താഴ്ത്തിത്തുടങ്ങി. സംസ്ഥാനപാത ഊട്ടി-പെരുമ്പിലാവ് റൂട്ടില്‍ പട്ടിക്കാട് മുതല്‍ മണ്ണാര്‍മല ജങ്ഷന്‍ വരെ കഴിഞ്ഞ രണ്ടു വര്‍ഷത്തിനിടയി ലുണ്ടായ വാഹനാപകടങ്ങളിലായി നിരവധി പേര്‍ക്ക് ഗുരുതര പരിക്കും മൂന്നു പേരുടെ ജീവനും നഷ്ടപെട്ടിരുന്നു.
ഇതിനെ തുടര്‍ന്ന് നടന്ന പരിശോധനയില്‍ റോഡിന്റെ അശാസ്ത്രീയതയാണ് അപകടകാരണമെന്ന് കണ്ടെത്തിയിരുന്നു.
മുവായിരത്തോളം വിദ്യാര്‍ഥികള്‍ പഠിക്കുന്ന പട്ടിക്കാട് ഗവ. ഹയര്‍സെക്കന്‍ഡറി, എല്‍പി സ്‌കൂള്‍, അങ്കണവാടി, ഹയാത്തുല്‍ ഇസ്‌ലാം മദ്‌റസ, സ്വകാര്യ കോളജ് എന്നിവിടങ്ങളിലെക്കുള്ള വിദ്യാര്‍ഥികളാണു റോഡിന്റെ ഇരുഭാഗങ്ങളിലേക്കുമായി സഞ്ചരിക്കുന്നത്.
പലപ്പോഴും സ്‌കൂള്‍ ജങ്ഷനിലെ കയറ്റവും ഇറക്കവും വാഹനങ്ങളുടെ അനിയന്ത്രിത യാത്രകളും അപകടത്തിനിടയാക്കിയിരുന്നു. ഇതിനെ തുടര്‍ന്നാണു ദേശീയപാത വിഭാഗം റോഡിന്റെ കയറ്റംകുറച്ച് റോഡ് താഴ്ത്തി പുനര്‍നിര്‍മിക്കുന്നത്. രണ്ടു മീറ്റര്‍ താഴ്ചയിലേക്കാണ് നിലവിലുള്ള റോ ഡ് താഴ്ത്തുന്നത്. ഇതിന്റെ പ്രവൃത്തി പുരോഗമിക്കുകയാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day