|    Mar 29 Wed, 2017 9:08 am

അപകടത്തില്‍പ്പെട്ട സ്‌കൂട്ടര്‍ യാത്രികനെ ലോറി എട്ട് കിലോമീറ്റര്‍ വലിച്ചിഴച്ചു

Published : 7th April 2016 | Posted By: SMR

ന്യൂഡല്‍ഹി: റോഡപകടത്തി ല്‍പ്പെട്ട സ്‌കൂട്ടര്‍ യാത്രികനെ ലോറി എട്ട് കിലോമീറ്ററോളം വലിച്ചുകൊണ്ടുപോയി. ലോറിയില്‍ തൂങ്ങിയ സഹയാത്രികര്‍ വണ്ടി നിര്‍ത്താന്‍ ആവശ്യപ്പെട്ടെങ്കിലും ഡ്രൈവറുടെ സഹായി അവരെ അടിച്ചുവീഴ്ത്തി. ദക്ഷിണ ഡല്‍ഹിയിലെ ലജ്പത് നഗറില്‍ ബുധനാഴ്ച പുലര്‍ച്ചെയാണ് സംഭവം. ഫഹദ് അഹ്മദ് എന്ന സ്‌കൂട്ടര്‍ യാത്രികനാണ് മരിച്ചത്. ലോറിയെ പിന്തുടര്‍ന്ന പോലിസാണ് മൃതദേഹം വീണ്ടെടുത്തത്.
രണ്ട് സുഹൃത്തുക്കള്‍ക്കൊപ്പമായിരുന്നു വെയ്റ്ററായ ഫഹദ് സ്‌കൂട്ടറില്‍ സഞ്ചരിച്ചത്. അതിവേഗതയില്‍ വന്ന ലോറി സ്‌കൂട്ടറിന്റെ പിന്നിലിടിച്ചു. എന്നാല്‍, ലോറി ഡ്രൈവര്‍ വണ്ടി നിര്‍ത്തിയില്ല. ലോറിയില്‍ കുരുങ്ങിയ അഹ്മദിനെ സ്‌കൂട്ടറോടെ വലിച്ചിഴച്ച് എട്ട് കിലോമീറ്റര്‍ ദൂരം പോയി.
ലോറിയുടെ ഇരുവശങ്ങളിലും തൂങ്ങിയ അഹ്മദിന്റെ കൂട്ടുകാരായ ഗൗരവ്, ശിവ എന്നിവരെ ഡ്രൈവറുടെ സഹായി അടിച്ചുവീഴ്ത്തി. സംഭവത്തിന് സാക്ഷിയായ ഒരു യാത്രക്കാരനാണ് വിവരം പോലിസില്‍ അറിയിച്ചത്.
ഡ്രൈവറെയും സഹായിയെയും പോലിസ് അറസ്റ്റ് ചെയ്തിട്ടുണ്ട്.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day