|    Mar 29 Wed, 2017 2:52 pm
FLASH NEWS

അന്യ ജാതിക്കാരിയെ വിവാഹം ചെയ്ത യുവാവിന്റെ പിതാവിന് വിലക്ക്

Published : 19th April 2016 | Posted By: SMR

പൂനെ: മകന്‍ അന്യജാതിക്കാരിയെ വിവാഹം ചെയ്തതിന്റെ പേരില്‍ കുടുംബാംഗത്തിന്റെ മരണാനന്തര ചടങ്ങില്‍ പങ്കെടുക്കുന്നതില്‍ 55 കാരന് ജാതിപഞ്ചായത്തിന്റെ വിലക്ക്. ഗൗഢ ബ്രാഹ്മണ സമുദായാംഗമായ ശങ്കര്‍ ഡങ്കിക്കാണ് ജാതിപഞ്ചായത്ത് വിലക്കുമൂലം അമ്മാവന്റെ മരണാനന്തര ചടങ്ങില്‍ പങ്കെടുക്കാനാവാതെ പോയത്. ഇതിനെതിരേ ഡങ്കി നല്‍കിയ പരാതിയില്‍ പോലിസ് ആറുപേര്‍ക്കെതിരേ കേസെടുത്തിട്ടുണ്ട്. വിലക്കിനു പുറമെ സമുദായത്തില്‍ തിരികെ വരണമെങ്കില്‍ ഒരു ലക്ഷം രൂപ നല്‍കാനും ഇവര്‍ ആവശ്യപ്പെട്ടതായി പരാതിയില്‍ പറയുന്നു. അമ്മാവന്റെ ചികില്‍സാ ചെലവുകളെല്ലാം വഹിച്ച തന്നെ മകന്റെ വിവാഹത്തിന്റെ പേരില്‍ സംസ്‌കാര ചടങ്ങില്‍ നിന്നും ഒരു വിഭാഗം പുറത്താക്കുകയായിരുന്നു എന്ന് ഡങ്കി ആരോപിച്ചു.
സാമൂഹിക ബഹിഷ്‌കരണം തടയുന്ന ബില്ല് മഹാരാഷ്ട്രാ നിയമസഭ ഈ മാസം 13ന് പാസാക്കിയതിനു പിന്നാലെയാണ് ജാതി പഞ്ചായത്തിന്റെ ഊരുവിലക്ക്. അഞ്ചു വര്‍ഷം മുമ്പാണ് മകന്‍ വിവാഹം കഴിച്ചതെന്നും രണ്ടു വര്‍ഷം മുമ്പ് മറ്റൊരു ബന്ധു മരിച്ചപ്പോള്‍ അന്ത്യകര്‍മങ്ങളില്‍ പങ്കെടുക്കുന്നതില്‍ നിന്ന് തന്നെ ആരും തടഞ്ഞില്ലെന്നും ഡങ്കി പറഞ്ഞു.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day