|    Oct 22 Sun, 2017 3:09 am

അന്തര്‍ സംസ്ഥാന കവര്‍ച്ച സംഘത്തലവന്‍ ഇരിങ്ങാലക്കുടയില്‍ അറസ്റ്റിലായി

Published : 4th May 2016 | Posted By: SMR

ഇരിങ്ങാലക്കുട: നിരവധി കേസുകളില്‍ പ്രതിയായ അന്തര്‍ സംസ്ഥാന കവര്‍ച്ചാ സംഘത്തലവന്‍ ഇരിങ്ങാലക്കുടയില്‍ അറസ്റ്റിലായി.
വെള്ളാങ്കല്ലൂര്‍ പുതികാവ് ക്ഷേത്രത്തില്‍ നിന്നു പഞ്ചലോഹ ഗോളക മോഷ്ടിച്ച കേസിലെ പ്രതിയായ ബോബി ഡിയോള്‍ എന്ന അനിലിനെയാണ് തൃശൂര്‍ റൂറല്‍ എസ്.പി കെ കാര്‍ത്തികിന്റെ നേതൃത്വത്തിലുള്ള സംഘം ആലുവ തത്തപ്പിള്ളിയില്‍ വെച്ച് അറസ്റ്റ് ചെയ്തത്.
മാള പോലിസ് സ്‌റ്റേഷന്‍ പരിധിയില്‍പ്പെട്ട അന്നമടയില്‍ നിന്ന് ജ്വല്ലറി ഉടമ മധുവിനെ തലയ്ക്കടിച്ച് ആഭരണങ്ങള്‍ മോഷ്ടിച്ച കേസിലെ പ്രതി കൂടിയാണ് അനില്‍. തന്റെ കൂട്ടാളിയായ ഗോപിയെ കല്ലൂകൊണ്ട അടിച്ച് വെള്ളത്തില്‍ കെട്ടിതാഴ്ത്തിയ കേസിലും നിരവധി മാല പൊട്ടിക്കല്‍ കേസുകളിലും ഇയാള്‍ പ്രതിയാണ്. ക്രൈം സ്‌ക്വാഡ് എസ്.ഐ എം പി മുഹമ്മദ് റാഫി, സീനിയര്‍ സിവില്‍ പോലിസ് ഉദ്യോഗസ്ഥരായ പി സി സുനില്‍, പി ജയകൃഷ്ണന്‍, സൂരജ് വി ദേവ്, ലിജു ഇയ്യാനി, ജോസ് ചക്കാലക്കല്‍ എന്നിവരും പ്രതിയെ പിടികൂടിയ സംഘത്തിലുണ്ടായിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക