|    Feb 19 Mon, 2018 3:49 am
FLASH NEWS
Home   >  Dont Miss   >  

അനുഷ്‌കയെക്കുറിച്ച് വെളിപ്പെടുത്തലുമായി വിവാഹ ചിത്രങ്ങള്‍ എടുക്കാനെത്തിയ ഫോട്ടോഗ്രാഫര്‍

Published : 13th December 2017 | Posted By: Jesla

ബോളിവുഡ് ക്രിക്കറ്റ് ആരാധകര്‍ ഉറ്റുനോക്കിയ വിവാഹത്തിലെ ചിത്രങ്ങള്‍ പകര്‍ത്തുന്നത് എങ്ങനെയായിരിക്കണമെന്ന് അനുഷ്‌ക ശര്‍മ്മ നിര്‍ദേശം നല്‍കിയിരുന്നതായി ഫോട്ടോഗ്രാഫര്‍.


ചിത്രങ്ങള്‍ സിനിമ പോലെയാകരുതെന്നായിരുന്നു അനുഷ്‌ക നിര്‍ദേശം നല്‍കിയതെന്ന് ഫോട്ടോഗ്രാഫര്‍ ജോസഫ് ഹാര്‍ദ്ദിക് വ്യക്തമാക്കി. ‘എങ്ങനെയുള്ള വിവാഹ ചിത്രങ്ങളാണ് വേണ്ടതെന്ന് അനുഷ്‌കയ്ക്ക് വ്യക്തമായ കാഴ്ചപ്പാടുണ്ടായിരുന്നു. വിവാഹത്തിലെ ഓരോ നിമിഷവും പകര്‍ത്തണം. എന്നാല്‍, ആ ചിത്രങ്ങള്‍ സിനിമാ പോലെയാകരുത് ‘ എന്നായിരുന്നു അനുഷ്‌ക തന്നോട് പറഞ്ഞതെന്ന് ജോസഫ് പറഞ്ഞു.

അനുഷ്‌കയുടെ ആവശ്യപ്രകാരം ഇവരെ പോസ് ചെയ്യിക്കാതെ ജീവനുള്ള ചിത്രങ്ങളാണ് താന്‍ പകര്‍ത്തിയതെന്നും ജോസഫ് കൂട്ടിച്ചേര്‍ത്തു.

അതേസമയം, വിവാഹമുഹൂത്തങ്ങള്‍ ഒപ്പിയെടുത്ത ചില ഫോട്ടോകള്‍ വന്‍ വിലയ്ക്ക് വില്‍ക്കാനാണ് കോഹ്ലിയും അനുഷ്‌കയും തീരുമാനിച്ചിരിക്കുന്നതെന്ന വാര്‍ത്തയും പുറത്തുവരുന്നുണ്ട്. ഇതുവഴി ലഭിക്കുന്ന പണം സന്നദ്ധപ്രവര്‍ത്തനങ്ങള്‍ക്കാകും ഇരുവരും ഉപയോഗിക്കുക.

പുറത്തു വിടാത്ത വിവാഹച്ചിത്രങ്ങള്‍ക്ക് വന്‍ തുക ലഭിക്കുമെന്നതിനാല്‍ അമേരിക്കയിലെ ഫാഷന്‍ മാസികയ്ക്കു ഇവ വില്‍ക്കാനാണ് കോഹ്ലി തീരുമാനിച്ചിരിക്കുന്നതെന്ന് ഒരു ഓന്‍ലൈന്‍ മാധ്യമം റിപ്പോര്‍ട്ട് ചെയ്യുന്നു. മാസികയുമായി കോഹ്ലി കരാറായി എന്നും വാര്‍ത്തകള്‍ പുറത്തുവരുന്നുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss