|    Aug 21 Tue, 2018 5:00 pm
FLASH NEWS

അനര്‍ഹമായ റേഷന്‍ കാര്‍ഡ് 31നകം തിരികെ നല്‍കണം

Published : 29th July 2018 | Posted By: kasim kzm

തൃശൂര്‍: അനര്‍ഹമായി മുന്‍ഗണന/എഎവൈ വിഭാഗം റേഷന്‍കാര്‍ഡുകള്‍ കൈവശം വച്ചിട്ടുള്ള റേഷന്‍കാര്‍ഡ് ഉടമകള്‍ ജൂലൈ 31നകം കാര്‍ഡുകള്‍ അതത് താലൂക്ക് സപ്ലൈ ഓഫിസില്‍ ഹാജരാക്കി പൊതുവിഭാഗത്തിലേക്ക് മാറ്റണം.
പിന്നീടുള്ള പരിശോധനയില്‍ അനര്‍ഹരായ വ്യക്തികളില്‍ നിന്ന് മുന്‍ഗണന/എഎവൈ കാര്‍ഡുകള്‍ കണ്ടെത്തിയാല്‍ കേരള റേഷനിങ് ഉത്തരവിലെയും ദേശീയ ഭക്ഷ്യഭദ്രതാ നിയമത്തിലേയും പ്രസക്തമായ വകുപ്പുകള്‍ പ്രകാരം അവര്‍ക്കെതിരേ കര്‍ശനമായി നടപടി സ്വീകരിക്കും.
സര്‍ക്കാര്‍/അര്‍ദ്ധസര്‍ക്കാര്‍/പൊതുമേഖല/ബാങ്കിങ് മേഖലകളില്‍ ജോലി ചെയ്യുന്നവര്‍, സര്‍വീസ് പെന്‍ഷന്‍ വാങ്ങുന്നവര്‍, 1000 ച അടി്ക്കു മുകളില്‍ വിസ്തീര്‍ണമുള്ള വീടുള്ളവര്‍, നാലു ചക്രവാഹനമുള്ളവര്‍, 25000 രൂപക്ക് മുകളില്‍ മാസവരുമാനമുള്ളവര്‍, ആദായ നികുതി അടക്കുന്നവര്‍, ഒരുഏക്കറില്‍ കൂടുതല്‍ ഭൂമിയുള്ളവര്‍ എന്നിവര്‍ മുന്‍ഗണന/എഎവൈ കാര്‍ഡുകള്‍ക്ക് അര്‍ഹരല്ല. അത്തരത്തിലുള്ളവര്‍ മുന്‍ഗണന/എഎവൈ കാര്‍ഡുകള്‍ കൈവശം വച്ചിട്ടുണ്ടെങ്കില്‍ അവര്‍ക്കെതിരേ വകുപ്പുതല നടപടിയുണ്ടാകും.
ഇത്തരത്തില്‍ അനര്‍ഹമായി മുന്‍ഗണന/എഎവൈ കാര്‍ഡുകള്‍ കൈവശം വച്ചിട്ടുണ്ടെങ്കില്‍ അതത് താലൂക്ക് സപ്ലൈ ഓഫിസുകളിലെ താഴെ പറയുന്ന ഫോണ്‍ നമ്പറുകളില്‍ വിവരം അറിയിക്കണം. തൃശൂര്‍ 0487-2331031, തലപ്പിള്ളി 04884-232257, ചാവക്കാട് 0487-2502525, മുകുന്ദപുരം 0480-2825321, ചാലക്കുടി 0480-2704300, കൊടുങ്ങല്ലൂര്‍ 0480-2802374.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss