|    Jan 21 Sat, 2017 3:49 am
FLASH NEWS

അനന്ത്‌നാഗ് തിരഞ്ഞെടുപ്പ് വീണ്ടും നീട്ടിയേക്കും

Published : 3rd June 2016 | Posted By: SMR

ന്യൂഡല്‍ഹി: ജമ്മുകശ്മീര്‍ മുഖ്യമന്ത്രി മെഹബൂബ മുഫ്തി മല്‍സരിക്കുന്ന അനന്ത് നാഗ് നിയമസഭാ മണ്ഡലത്തിലെ ഉപതിരഞ്ഞെടുപ്പ് വീണ്ടും നീട്ടാന്‍ സാധ്യത. ഈ മാസം 19ന് ദക്ഷിണ കശ്മീരിലെ ആത്മീയാചാര്യന്‍ ഖാസി നിസാറിന്റെ ചരമവാര്‍ഷികമായതിനാല്‍ സംസ്ഥാനത്ത് ക്രമസമാധാന പ്രശ്‌നമുണ്ടാവുമെന്നും തിയ്യതി നീട്ടണമെന്നും സര്‍ക്കാര്‍ തിരഞ്ഞെടുപ്പ് കമ്മീഷനെ അറിയിച്ചിട്ടുണ്ട്. ഈ മാസം 22നാണ് തിരഞ്ഞെടുപ്പ് നടക്കേണ്ടിയിരുന്നത്. നേരത്തേ മെയ് 16ന് നടത്താന്‍ നിശ്ചയിച്ചിരുന്ന തിരഞ്ഞെടുപ്പ് ക്രമസമാധാന പ്രശ്‌നം മൂലമാണ് 22ലേക്കു മാറ്റിയിരുന്നത്. മുന്‍ മുഖ്യമന്ത്രി മുഫ്തി മുഹമ്മദ് സഈദിന്റെ മരണത്തെ തുടര്‍ന്നാണ് ഈ മണ്ഡലത്തില്‍ ഉപതിരഞ്ഞെടുപ്പ് നടക്കുന്നത്. മെഹബൂബയടക്കം 9 പേരാണ് ഇവിടെ നാമനിര്‍ദേശ പത്രിക നല്‍കിയത്. നാഷനല്‍ കോണ്‍ഫറന്‍സിലെ ഇഫ്തിഖര്‍ ഹുസയിന്‍ മിസ്ഗര്‍, കോണ്‍ഗ്രസ്സിലെ ഹിലാല്‍ അഹമ്മദ് ഷാ, സ്വതന്ത്ര എംഎല്‍എ ശെയ്ഖ് അബ്ദുല്‍ റാഷിദ് എന്നിവര്‍ സ്ഥാനാര്‍ഥി പട്ടികയിലുണ്ട്.

 

Share on FacebookShare on Google+Tweet about this on TwitterShare on LinkedIn
(Visited 35 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക