|    Jan 23 Mon, 2017 8:26 pm
FLASH NEWS

അനന്ത്‌നാഗില്‍ ഉപതിരഞ്ഞെടുപ്പ് ജൂണ്‍ 19ന്

Published : 22nd May 2016 | Posted By: SMR

ന്യൂഡല്‍ഹി: ജമ്മുകശ്മീരിലെ അനന്ത്‌നാഗ് നിയമസഭാ മണ്ഡലത്തിലെ ഉപതിരഞ്ഞെടുപ്പ് ജൂണ്‍ 19നു നടക്കുമെന്നു തിരഞ്ഞെടുപ്പ് കമ്മീഷന്‍ അറിയിച്ചു. ക്രമസമാധാനപ്രശ്‌നംമൂലമാണ് അനന്ത്‌നാഗിലെ വോട്ടെടുപ്പ് നീട്ടിവച്ചിരുന്നത്. വോട്ടെടുപ്പു സംബന്ധിച്ച് കമ്മീഷന്‍ വിജ്ഞാപനം 25നു പുറപ്പെടുവിക്കും. മുന്‍ മുഖ്യമന്ത്രി മുഫ്തി മുഹമ്മദ് സയിദിന്റെ നിര്യാണത്തെത്തുടര്‍ന്നാണ് അനന്ത്‌നാഗില്‍ ഉപതിരഞ്ഞെടുപ്പ് വേണ്ടിവന്നത്. വോട്ടെണ്ണല്‍ 22നായിരിക്കും. മെയ് 16ന് ഉപതിരഞ്ഞെടുപ്പ് നടത്താനായിരുന്നു തിരഞ്ഞെടുപ്പ് കമ്മീഷന്‍ നേരത്തെ തീരുമാനിച്ചിരുന്നത്. മണ്ഡലത്തിലെ ക്രമസമാധാനനില വോട്ടെടുപ്പിനു പറ്റിയതല്ലെന്നു സംസ്ഥാനസര്‍ക്കാര്‍ അറിയിച്ചതിനെത്തുടര്‍ന്നാണ് കമ്മീഷന്‍ തിരഞ്ഞെടുപ്പ് നീട്ടിവച്ചത്. കമ്മീഷന്റെ തീരുമാനത്തെ പ്രതിപക്ഷമായ നാഷനല്‍ കോണ്‍ഫറന്‍സ് വിമര്‍ശിച്ചിരുന്നു.

Share on FacebookShare on Google+Tweet about this on TwitterShare on LinkedIn
(Visited 38 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക