|    Sep 20 Thu, 2018 3:06 pm
FLASH NEWS

അനധികൃത മദ്യവില്‍പന: പോലിസ് പരിശോധന ശക്തമാക്കി

Published : 9th May 2017 | Posted By: fsq

 

കൊല്ലം: സുപ്രിംകോടതി വിധിയുടെ അടിസ്ഥാനത്തില്‍ ദേശീയ പതയോരങ്ങളിലും മറ്റും പ്രവര്‍ത്തിച്ച് വന്ന ബാറുകളും ബിവറേജസ് ഔട്ട്‌ലെറ്റുകളുടെയും പ്രവര്‍ത്തനം നിലച്ച സാഹചര്യത്തില്‍ അനഃധികൃതമായി മദ്യം ശേഖരിച്ച് വയ്ക്കുകയും വില്‍പ്പന നടത്തുകയും ചെയ്യുന്നവരെ കണ്ടെത്തുന്നതിനായി പോലിസ് പരിശോധന ശക്തമാക്കി. കഴിഞ്ഞ ദിവസം കൊല്ലം സിറ്റി ഷാഡോ പോലിസ് നടത്തിയ മിന്നല്‍ പരിശോധനയില്‍ ജില്ലയിലെ വിവിധ സ്റ്റേഷന്‍ പരിധിയില്‍ നിന്നായി അനധികൃതമായി വില്‍പ്പനയ്ക്ക് സൂക്ഷിച്ച പതിനഞ്ച് ലിറ്റര്‍ ഇന്ത്യന്‍ നിര്‍മിത വിദേശ മദ്യം പിടികൂടി. കൊല്ലം ഈസ്റ്റ് പോലിസ് സ്റ്റേഷന്‍ പരിധിയില്‍ പള്ളിത്തോട്ടം സ്വദേശി ജോയിക്കെതിരേയും ചവറ സ്റ്റേഷന്‍ പരിധിയില്‍ അജിത് രാജ്, ഭാഗ്യരാജ് എന്നിവര്‍ക്കെതിരെയും കേസ് രജിസ്റ്റര്‍ ചെയ്തു. 1090 എന്ന ടോള്‍ ഫ്രീ നമ്പറില്‍ പൊതുജനങ്ങള്‍ ലഹരി വ്യാപനത്തെ കുറിച്ചുള്ള അറിവുകള്‍ പോലിസിന് കൈമാറാം. കൂടാതെ ലഹരി വ്യാപന പ്രക്രിയയില്‍ ഏര്‍പ്പെട്ടിരിക്കുന്ന കൊല്ലം സിറ്റി പോലിസ് സ്റ്റേഷന്‍ പരിധിയിലെ സാമൂഹികവിരുദ്ധര്‍ക്കെതിരേ ഗുണ്ടാ നിയമ പ്രകാരം കര്‍ശന നടപടികള്‍ തുടങ്ങിയതായും സിറ്റി പോലിസ് കമ്മീഷണര്‍ സതീഷ് ബിനോ അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss