|    Jan 21 Sun, 2018 12:56 am
FLASH NEWS

അനധികൃത കച്ചവടങ്ങള്‍ ഒഴിപ്പിച്ചു തുടങ്ങി

Published : 12th January 2018 | Posted By: kasim kzm

തിരൂരങ്ങാടി: സംസ്ഥാനപാതയോരങ്ങളിലെ അനധികൃത കച്ചവടങ്ങളും പരസ്യ ബോര്‍ഡുകളും പൊതുമരാമത്ത് വകുപ്പിന്റെ നേതൃത്വത്തില്‍  നീക്കം ചെയ്യാന്‍ ആരംഭിച്ചു.
കെട്ടിട ഉടമകള്‍ക്കും വഴിയോര കച്ചവടക്കാര്‍ക്കും ഒരു മാസം മുന്‍പ് പൊതുമരാമത്ത് വകുപ്പ് റോഡ്‌സ് വിഭാഗം നോട്ടീസ് നല്‍കിയിരുന്നു. അറിയിപ്പ് നല്‍കിയിട്ടും നീക്കം ചെയ്യാത്തവയ്‌ക്കെതിരെയാണ് പൊലിസിന്റെ സഹായത്തോടെ വ്യാഴാഴ്ച രാവിലെ മുതല്‍ നടപടി തുടങ്ങിയത്.
തലപ്പാറ മുതല്‍ ചെമ്മാട് വരേയുള്ള ഭാഗങ്ങളിലെ ബോര്‍ഡുകളും കച്ചവടങ്ങളുമാണ് നീക്കം ചെയ്തത്. കോണ്‍ക്രീറ്റ് ചെയ്ത് സ്ഥാപിച്ച ഇരുമ്പ് ബോര്‍ഡുകളും മറ്റും കട്ടിങ് മെഷീന്‍ ഉപയോഗിച്ചാണ് എടുത്തു മാറ്റിയത്. വരും ദിവസങ്ങളിലും മറ്റു സ്ഥലങ്ങളില്‍ നടപടി തുടരുമെന്ന് പരപ്പനങ്ങാടി പൊതുമരാമത്ത് വകുപ്പ് അധികൃതര്‍ അറിയിച്ചു.
അഡീഷണല്‍ എസ്‌ഐ അബ്ദുല്‍ ജബ്ബാര്‍, സീനിയര്‍ സിവില്‍ പൊലീസ് ഓഫീസര്‍ പി അബ്ദുല്‍ ഗഫൂര്‍, മരാമത്ത് വകുപ്പ് ഉദ്യോഗസ്ഥരായ വി ലിജു, ഐ പി പ്രസാദ്, പി എ അഭയ്‌ദേവ്, പി കെ ആമിന നേതൃത്വം നല്‍കി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day