|    Oct 16 Tue, 2018 10:00 am
FLASH NEWS

അനധികൃതമായി പൊട്ടിച്ച കരിങ്കല്ലുകള്‍ കടത്തിയ വാഹനങ്ങള്‍ പിടിച്ചെടുത്തു

Published : 25th May 2017 | Posted By: fsq

 

കഞ്ഞിക്കുഴി: അനധികൃതമായി പൊട്ടിച്ച കരിങ്കല്ലുകള്‍ നീക്കം ചെയ്യുന്നതിനിടെ വാഹനങ്ങള്‍ പോലിസ്് പിടിച്ചെടുത്തു. കള്ളിപ്പാറ ഈരാച്ചേരി സോജന്റെ ഉടമസ്ഥയിലുള്ള സ്ഥലത്ത് നിന്നാണ് വാഹനങ്ങള്‍ പിടിച്ചെടുത്തത്. വീടിന് സമീപത്തായുള്ള സര്‍ക്കാര്‍ ഭൂമിയില്‍ നിന്ന് ഇയാളുടെ നേരത്തെ പാറ പൊട്ടിച്ചിരുന്നു. ഇതേ തുടര്‍ന്ന തഹസില്‍ദാര്‍ എത്തി സ്‌റ്റോപ്പ് മെമ്മോ നല്‍കുകയും ചെയ്തു. ഇത്തരത്തില്‍ പൊട്ടിച്ചിട്ട കരിങ്കല്ലുകള്‍ നീക്കാന്‍ ഉടമ വീണ്ടും ശ്രമിച്ചതോടെ തഹസില്‍ദാര്‍ പോലിസിന് പരാതി നല്‍കുകയായിരുന്നു. ഇതിന്റെ അടിസ്ഥാനത്തില്‍ കഞ്ഞിക്കുഴി എസ്‌ഐ സോനുവിന്റെ നേതൃത്വത്തിലുള്ള പോലിസ് സംഘം എത്തി മിനി ടിപ്പറും ജെസിബിയും കസ്റ്റഡിയിലെടുത്തു. ലാന്റ് കണ്‍സര്‍വേഷന്‍ ആക്ട് സെക്ഷന്‍ 188 പ്രകാരം സോജനെതിരെ കേസെടുത്തു. വാഹനങ്ങള്‍ കോടതിയില്‍ ഹാജരാക്കും.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss