|    Sep 25 Tue, 2018 4:53 pm
FLASH NEWS
Home   >  Kerala   >  

അധ്യാപികക്ക് നേരെ പീഡനശ്രമമെന്ന് ആരോപണം: ഡി വൈ എഫ് ഐ കോളേജിലേക്ക് മാര്‍ച്ച് നടത്തി

Published : 5th January 2018 | Posted By: mi.ptk

പരപ്പനങ്ങാടി: അധ്യാപികയെ പീഡിപ്പിക്കാന്‍ ശ്രമിച്ചുവെന്ന പരാതിയില്‍ ആരോപണം നേരിടുന്ന വ്യക്തിയെ കോളേജില്‍ നിന്ന് പുറത്താക്കണമെന്നാവശ്യപ്പെട്ട് ഡി.വൈ.എഫ്.മാര്‍ച്ച് നടത്തി. പരപ്പനങ്ങാടി കോ-ഓപ്പറേറ്റീവ് കോളേജിലെ അധ്യാപികയാണ് സ്ഥാപനത്തിന്റെ പ്രസിഡന്റും മുന്‍ ഗവണ്‍മെന്റ് പ്ലീനറും ലീഗ് നേതാവുമായ അഡ്വ.കെ.കെ.സൈതലവിക്കെതിരെ പീഡനശ്രമം ആരോപിച്ച് മുഖ്യമന്ത്രിക്ക് പരാതി നല്‍കിയിരുന്നത്.

കൂടുതല്‍ അന്യേഷണത്തിന് പരാതി പരപ്പനങ്ങാടി പോലീസിന് കൈമാറുകയും കേസെടുക്കുകയുമായിരുന്നു. സംഭവത്തിന് കാരണക്കാരനായ വ്യക്തിയെ കോളേജ് ഭരണത്തില്‍ നിന്ന് പുറത്താക്കുക,ലീഗ് ഭാരവാഹിത്വത്തില്‍ നിന്ന് മാറ്റി നിര്‍ത്തുക തുടങ്ങിയ ആവശ്യങ്ങളുന്നയിച്ചാണ് ഡി.വൈ.എഫ് ഐ തിരൂരങ്ങാടി ബ്ലോക്ക് കമ്മറ്റിയുടെ നേതൃത്വത്തില്‍ കോളേജിലേക്ക് മാര്‍ച്ച് നടത്തിയത്.കോളേജിന് മുന്നില്‍ പോലീസ് മാര്‍ച്ച് തടഞ്ഞു.പോലീസുമായി പ്രവര്‍ത്തകര്‍ സംഘര്‍ഷമുണ്ടാക്കാനുള്ള ശ്രമം നേതാക്കള്‍ ഇടപെട്ട് തടഞ്ഞു.മാര്‍ച്ച് ബ്ലോക്ക് സെക്രട്ടറി വാഹിദ് ഉദ്ഘാടനം ചെയ്തു.മുജീബ്.എ.പി, വിശാഖ്, ഷിജുമോന്‍ സംസാരിച്ചു

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss