|    Aug 19 Sun, 2018 3:01 pm
FLASH NEWS
Home   >  Todays Paper  >  page 10  >  

അധ്യാപക നിയമന നിയന്ത്രണം പിന്‍വലിക്കണം : കെസിബിസി വിദ്യാഭ്യാസ കമ്മീഷന്‍

Published : 9th June 2017 | Posted By: fsq

 

കൊച്ചി: പൊതു വിദ്യാഭ്യാസമേഖലയെ ശക്തിപ്പെടുത്താന്‍ പ്രതിജ്ഞാബന്ധമായ ഗവണ്മെന്റ് ഈ മേഖലയില്‍ നിര്‍ണായകമായ പങ്കാളിത്തം വഹിക്കുന്ന സ്വകാര്യ വിദ്യാഭ്യാസ സ്ഥാപനങ്ങളിലെ അധ്യാപക നിയമനത്തില്‍ ഏര്‍പ്പെടുത്തിയിരിക്കുന്ന നിയന്ത്രണങ്ങള്‍ പിന്‍വലിക്കണമെന്ന് കെസിബിസി വിദ്യാഭ്യാസ കമ്മീഷന്‍ ആവശ്യപ്പെട്ടു. സംരക്ഷിത അധ്യാപകരെ നിയമിക്കണമെന്ന ഉത്തരവിന്റെ പശ്ചാത്തലത്തില്‍ 2016-17 വര്‍ഷം മുതല്‍ സ്‌കൂളുകളില്‍ അധ്യാപക നിയമനത്തിന് കടുത്ത നിയന്ത്രണമാണ് ഏര്‍പ്പെടുത്തിയിരിക്കുന്നത്. ന്യൂനപക്ഷ വിദ്യാഭ്യാസസ്ഥാപനങ്ങള്‍ക്ക് ഭരണഘടന അനുവദിച്ചുതന്നിട്ടുള്ള  അവകാശങ്ങളെ ഇല്ലാതാക്കിക്കൊണ്ടുള്ള ഈ നിര്‍ദേശങ്ങള്‍ ഒരു കാരണവശാലും അംഗീകരിക്കുവാന്‍ കഴിയുകയില്ല. 2014-15 വര്‍ഷം അനുവദിച്ച ഹയര്‍സെക്കന്‍ഡറി സ്‌കൂളുകളിലും 2013-14 വര്‍ഷം കോളജുകളില്‍ അനുവദിച്ച കോഴ്‌സുകളിലും അധ്യാപക തസ്തിക സൃഷ്ടിക്കാന്‍ ഇനിയും സര്‍ക്കാര്‍ തയ്യാറായിട്ടില്ല.  അനുവദിക്കപ്പെട്ട തസ്തികകളിലെ സ്ഥിരം ഒഴിവുകള്‍ നികത്തുവാനും  സര്‍ക്കാരിന്റെ  ഭാഗത്തുനിന്നും  നിലപാട് ഉണ്ടാകാത്തപക്ഷം കോടതിയെ സമീപിക്കുമെന്നും കെസിബിസി വിദ്യാഭ്യാസകമ്മീഷന്‍ ചെയര്‍മാന്‍ ആന്‍ഡ്രൂസ് താഴത്ത് €പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss