|    Jun 23 Sat, 2018 4:33 am
FLASH NEWS
Home   >  National   >  

‘അധികം അഭിനയിക്കേണ്ട’;തൂത്തുക്കുടിയില്‍ വെടിയേറ്റു വീണ യുവാവിനോട് പോലീസിന്റെ ശാസന

Published : 24th May 2018 | Posted By: mi.ptk

തൂത്തുക്കുടി: തൂത്തുക്കുടിയില്‍ സ്‌റ്റെര്‍ലൈറ്റ് പ്ലാന്റിനെതിരായ സമരത്തില്‍ വെടിയേറ്റ് വീണ യുവാവിനോട് പോലീസിന്റെ ക്രൂരത. വേദന കൊണ്ട് പിടയുന്ന യുവാവിനോട്് അധികം അഭിനയിക്കരുത് എന്നായിരുന്നു പോലീസിന്റെ ശാസന. സമരക്കാര്‍ക്ക് നേരെ നടത്തിയ പോലീസ് വെടിവയ്പ്പില്‍ പരിക്കേറ്റ കാളിയപ്പന്‍ എന്ന 22കാരനോടാണ് പോലീസ് ഉദ്യോഗസ്ഥര്‍ മനുഷ്യത്വരഹിതമായി പെരുമാറിയത്.ലാത്തികൊണ്ട് കുത്തിയശേഷമാണ് പോലീസുകാരിലൊരാള്‍ കാളിയപ്പനോട് അധികം അഭിനയിക്കരുതെന്ന് ആക്രോശിക്കുന്നത്. യുവാവ് പിന്നീട് മരിച്ചു. സംഭവത്തിന്റെ വീഡിയോ ദൃശ്യം ആരോ പകര്‍ത്തി സോഷ്യല്‍മീഡിയ വഴി പുറത്തുവിടുകയായിരുന്നു.
വെടിയേറ്റ് നിലത്ത് വീണ് വേദനകൊണ്ട് പിടഞ്ഞ കാളിയപ്പനെ പോലീസുകാര്‍ വീണ്ടും അതിക്രൂരമായി മര്‍ദ്ദിക്കുന്നത് ദൃശ്യങ്ങളിലുണ്ട്.എഴുന്നേറ്റ് പോകാന്‍ പറഞ്ഞാണ് പോലീസുകാര്‍ കാളിയപ്പനെ മര്‍ദ്ദിച്ചത്. ഇയാളുടെ കാലില്‍ പിടിച്ചു വലിക്കുന്നതും ദൃശ്യങ്ങളിലുണ്ട്. പിന്നീട് കാളിയപ്പനെ ആശുപത്രിയിത്തിച്ചപ്പോഴേക്കും മരണം സംഭവിച്ചിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss