|    Feb 20 Mon, 2017 12:05 pm
FLASH NEWS

അതിര്‍ത്തി ചെക്്‌പോസ്റ്റുകളില്‍ ഭക്ഷ്യസുരക്ഷാ വിഭാഗത്തിന്റെ പരിശോധന പ്രഹസനം

Published : 4th November 2016 | Posted By: SMR

വാളയാര്‍: കേരളത്തിലെത്തുന്ന പച്ചക്കറികളിലെയും പഴവര്‍ഗങ്ങളിലെയും വിഷാംശം കണ്ടെത്താന്‍ ഭക്ഷ്യസുരക്ഷാ വിഭാഗം അതിര്‍ത്തി ചെക്‌പോസ്റ്റുകളില്‍ നടത്തുന്ന പരിശോധനകള്‍ പ്രഹസനമാവുന്നു. ജില്ലയിലെ പച്ചക്കറി ചന്തകളില്‍ നിന്നു സാംപിളുകള്‍ ശേഖരിച്ച് പരിശോധനയ്ക്കായി എറണാകുളം അനലറ്റിക്കല്‍ ലാബിലേക്ക് അയച്ചാല്‍ രണ്ടാഴ്ച കഴിഞ്ഞേ ഇതിന്റെ പരിശോധന ഫലം ലഭിക്കുകയുള്ളൂ. ലാബില്‍ നിന്ന് സാംപിളുകളുടെ പരിശോധനാ ഫലം ലഭിക്കാന്‍ വൈകുന്നത് നടപടികളെ സാരമായി ബാധിക്കും. ഒരാഴ്ചക്കുള്ളില്‍ പരിശോധനാ ഫലം ലഭ്യമാക്കണമെന്നായിരുന്നു നിര്‍ദേശമെങ്കിലും ഫലം ലഭിക്കാന്‍ രണ്ടു മാസം വരെ കാത്തിരിക്കാറുണ്ടെന്നാണ് ഭക്ഷ്യസുരക്ഷാ അധികൃതര്‍ പറയുന്നത്. വിഷാംശം കണ്ടെത്തിയാല്‍ ആ ഭാഗത്തു നിന്നു വരുന്ന പഴം പച്ചക്കറികള്‍ക്ക് നിരോധനം ഏര്‍പ്പെടുത്താനാണ് സര്‍ക്കാര്‍ തീരുമാനം. തമിഴ്‌നാട്ടിലെ സേലം, പൊള്ളാച്ചി, ഉദുമല്‍പേട്ട എന്നിവിടങ്ങളില്‍ നിന്ന് ആന്ധ്ര, ഹിമാചല്‍പ്രദേശ്, അരുണാചല്‍പ്രദേശ്, കര്‍ണാടക എന്നിവിടങ്ങളില്‍ നിന്നുമാണ് പ്രധാനമായും പച്ചക്കറികള്‍ കേരളത്തിലെത്തുന്നത്. ഭക്ഷ്യവസ്തുക്കളിലെ മായം കണ്ടെത്താനും നേരത്തെ നടപടി ആരംഭിച്ചിരുന്നു. പാല്‍, വെളിച്ചെണ്ണ തുടങ്ങി ദ്രാവക ഉല്‍പന്നങ്ങളിലെ മായം കണ്ടെത്താന്‍ കഴിഞ്ഞ തവണ ജില്ലയ്ക്കു മൊബൈല്‍ ലാബ് അനുവദിച്ചതാണ്. ഒരു മണിക്കൂറിനുള്ളില്‍ പരിശോധനാ ഫലം ലഭിക്കുമെന്നതാണ് മൊബൈ ല്‍ ലാബിന്റെ പ്രത്യേകത. മുളകുപൊടി, മഞ്ഞള്‍പ്പൊടി, മല്ലിപ്പൊടി തുടങ്ങി ഉല്‍പന്നങ്ങളിലും മായം കലര്‍ത്തുന്നുണ്ടെന്ന പരാതി ലഭിച്ചിട്ടുണ്ട്. ഇവയുടെ സാംപിളുകളും ശേഖരിക്കുമെന്ന് ഭക്ഷ്യസുരക്ഷാ അസി. കമ്മീഷണര്‍ നേരത്തെ അറിയിച്ചിരുന്നു. ഇതര സംസ്ഥാനങ്ങളില്‍ നിന്നെത്തുന്ന പച്ചക്കറി ഉള്‍പ്പെടെയുള്ള ഭക്ഷ്യ ഉല്‍പന്നങ്ങളിലെ വിഷാംശവും മായവും കണ്ടെത്താന്‍ ജില്ലയില്‍ ആവശ്യത്തിനു ഉദ്യോഗസ്ഥരില്ലാത്തതാണ് പരിശോധനകള്‍ പ്രഹസനമാകാന്‍ കാരണമാവുന്നതെന്നാണ് ആരോപണം. ജില്ലയിലെ 13 ചെക്‌പോസ്റ്റുകളിലായി ആകെ ഭക്ഷ്യസുരക്ഷാ അസി. കമ്മീഷണറും മൂന്നു ഭക്ഷ്യ സുരക്ഷാ ഓഫിസര്‍മാരുമുള്‍പ്പെടെ നാലു ഉദ്യോഗസ്ഥരാണ് ഭക്ഷ്യസുരക്ഷ വിഭാഗത്തിലെ പരിശോധനയ്ക്കായി ഉള്ളത്. വിഷു, ഓണം, പെരുന്നാള്‍, ക്രിസ്തുമസ് പോലുള്ള ആഘോഷങ്ങളുടെ സമയത്തുമാത്രമാണ് അതിര്‍ത്തി ചെക്‌പോസ്റ്റുകളില്‍ കാര്യമായ പരിശോധനകള്‍ നടക്കുന്നതെന്നതും പിന്നീട് പരിശോധനകള്‍ പ്രഹസനമാവുന്നതാണ് മായം കലര്‍ന്ന വസ്തുക്കള്‍ കേരളത്തിലെത്താന്‍ സഹായകമാവുന്നതെന്നും പറയുന്നു.

Share on FacebookShare on Google+Tweet about this on TwitterShare on LinkedIn
(Visited 17 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക