|    Oct 19 Thu, 2017 3:01 pm
FLASH NEWS
Home   >  Todays Paper  >  page 9  >  

അതിര്‍ത്തിയില്‍ പ്രതിരോധം തീര്‍ത്ത് തുണീസ്യ

Published : 8th February 2016 | Posted By: SMR

ട്രിപ്പോളി: ഭീകരാക്രമണം ചെറുക്കുന്നതിനു ലിബിയന്‍ അതിര്‍ത്തിയോട് ചേര്‍ന്നു നിര്‍മിക്കുന്ന പ്രതിരോധ സന്നാഹങ്ങളുടെ ആദ്യഘട്ടം പൂര്‍ത്തിയായെന്നു തുണീസ്യ. 200 കി.മീ നീളത്തില്‍ മണല്‍തിട്ടകളുടെയും കിടങ്ങുകളുടെയും നിര്‍മാണമാണ് പൂര്‍ത്തിയായത്.
ലിബിയയില്‍ പരിശീലനം സിദ്ധിച്ച തോക്കുധാരി തീരസുഖവാസ കേന്ദ്രത്തില്‍ നടത്തിയ ആക്രമണത്തില്‍ 38 പേര്‍ കൊല്ലപ്പെട്ടതിനെ തുടര്‍ന്നാണ് പ്രതിരോധ സന്നാഹം രൂപപ്പെടുത്താന്‍ ഭരണകൂടം തീരുമാനിച്ചത്. രണ്ടാംഘട്ടത്തില്‍ ജര്‍മനിയുടെയും യുഎസിന്റെയും സഹായത്തോടെ വൈദ്യതാഘാതമേല്‍പ്പിക്കുന്ന ഉപകരണങ്ങള്‍ സ്ഥാപിക്കുമെന്നു തുണീസ്യന്‍ പ്രതിരോധ മന്ത്രി വ്യക്തമാക്കി. വാഹനങ്ങളുടെ അനധികൃത പ്രവേശനം തടസ്സപ്പെടുത്തുക എന്ന ലക്ഷ്യത്തോടെ സ്ഥാപിച്ച പ്രതിരോധ സംവിധാനങ്ങള്‍ മൂലം കള്ളക്കടത്തില്‍ ഗണ്യമായ കുറവുണ്ടായതായി സുരക്ഷാ ഉദ്യോഗസ്ഥര്‍ അറിയിച്ചു.
സിറിയ, ഇറാഖ് എന്നിവിടങ്ങളില്‍ പോരാടുന്ന ഐഎസില്‍ ചേരുന്നതിന് മൂവായിരത്തിലധികം തുണീസ്യക്കാര്‍ രാജ്യം വിട്ടതായിട്ടാണ് പ്രതിരോധ മന്ത്രാലയത്തിന്റെ കണക്ക്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക