|    Oct 18 Wed, 2017 7:50 am
FLASH NEWS
Home   >  Todays Paper  >  page 7  >  

അണ്ണാ ഡിഎംകെയുടെ ചിഹ്നം: അടുത്തമാസം 10നു മുമ്പ് തീരുമാനിക്കണം: സുപ്രിംകോടതി

Published : 7th October 2017 | Posted By: fsq

 

ന്യൂഡല്‍ഹി: അണ്ണാഡി എംകെയുടെ തിരഞ്ഞെടുപ്പ് ചിഹ്നമായ രണ്ടില ആര്‍ക്കു നല്‍കണമെന്നതുമായി ബന്ധപ്പെട്ട് അടുത്തമാസം പത്തിനു മുമ്പ് അന്തിമ തീരുമാനം കൈക്കൊള്ളണമെന്ന് തിരഞ്ഞെടുപ്പ് കമ്മീഷനോട് സുപ്രിംകോടതി. ചീഫ് ജസ്റ്റിസ് ദീപക് മിശ്രയുടെ നേതൃത്വത്തിലുള്ള ബെഞ്ചാണ് ഇക്കാര്യം നിര്‍ദേശിച്ചത്. ഈ മാസം അവസാനത്തോടെ പരാതിയില്‍ തിരഞ്ഞെടുപ്പ് കമ്മീഷന്‍  അന്തിമ തീരുമാനം കൈക്കൊള്ളണമെന്ന മദ്രാസ് ഹൈക്കോടതിയുടെ വിധിക്കെതിരേ ടിടിവി ദിനകരന്‍ സമര്‍പ്പിച്ച ഹരജിയിലാണ് സുപ്രിംകോടതിയുടെ നിര്‍ദേശം. കേസ് തീര്‍പ്പാക്കുന്നതിനു നാല് മാസം കൂടി നീട്ടണമെന്നാണ് ദിനകരന്‍ ആവശ്യപ്പെട്ടിരുന്നത്. ദിനകരന്‍ പക്ഷത്തിനോടൊപ്പം കുറച്ച് എംഎല്‍എമാരും എംപിമാരും മാത്രമാണുള്ളതെന്ന് പറഞ്ഞ അണ്ണാ ഡിഎംകെ മറുവിഭാഗം ദിനകരന്റെ ആവശ്യം തള്ളണമെന്ന് ആവശ്യപ്പെട്ടു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക