|    Oct 18 Wed, 2017 9:36 am
FLASH NEWS

അട്ടമലയില്‍ ഒറ്റയാന്‍ കൃഷി നശിപ്പിച്ചു

Published : 30th June 2017 | Posted By: fsq

 

മേപ്പാടി: അട്ടമലയിലും പരിസരങ്ങളിലും കൃഷിയിടങ്ങളില്‍ ഒറ്റയാന്റെ വിളയാട്ടം. സമീപ വനത്തില്‍ തമ്പടിച്ചിരിക്കുന്ന ഒറ്റയാന്‍ ഇടയ്ക്കിടെ കൃഷിയിടങ്ങളില്‍ ഇറങ്ങി നാശം വരുത്തുകയാണ്. അട്ടമല അജയ്‌നിവാസില്‍ അജയന്‍, ഷാഹുല്‍ ഹമീദ് എന്നിവരുടെ കൃഷിയിടങ്ങളില്‍ കഴിഞ്ഞ രാത്രി ഇറങ്ങിയ ഒറ്റയാന്‍  തെങ്ങ്, കവുങ്ങ്, വാഴ, കാപ്പി മുതലായ വിളകള്‍ വ്യാപകമായി നശിപ്പിച്ചു. ഷാഹുല്‍ ഹമീദ് പാട്ടത്തിനെടുത്ത സ്ഥലത്തു കൃഷിചെയ്ത വാഴകളാണ് നശിച്ചത്. ആനയുടെ സാന്നിധ്യം ജനങ്ങളെ ഭയചകിതരാക്കുകയാണ്. ഒറ്റയാനെ  ഉള്‍വനത്തിലേക്ക് തുരത്താനും വിളനാശത്തിനു നഷ്ടപരിഹാരം ലഭ്യമാക്കാനും അടിയന്തര നടപടി വേണമെന്നു നാട്ടുകാര്‍ ആവശ്യപ്പെട്ടു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക