|    Dec 18 Mon, 2017 8:15 pm

അടൂര്‍ പ്രദേശത്ത് കുടിവെള്ളം  പാഴാവുന്നത് നിത്യസംഭവമാവുന്നു

Published : 6th May 2016 | Posted By: SMR

അടൂര്‍: ജനങ്ങള്‍ കൊടുംചൂടില്‍ നട്ടംതിരിയുമ്പോള്‍ അടൂര്‍ മേഖലയില്‍ പൈപ്പ് പൊട്ടി വെള്ളം പാഴാവുന്നതായി പരാതി. കുടിവെള്ളത്തിനായി അടൂര്‍ നിവാസികള്‍ കിലോമീറ്ററുകള്‍ താണ്ടുമ്പോഴാണ് യഥാസമയം അറ്റകുറ്റപ്പണി നടത്താത്തതിനാല്‍ വെള്ളം ഉപയോഗശുന്യമായി പോവുന്നത്.  കഴിഞ്ഞ ദിവസം ഏനാത്ത് ടൗണിലെ ഗ്രാമീണ ബാങ്കിന് മുന്‍വശത്ത് രണ്ട് ദിവസമാണ് മെയിന്‍ റോഡിലൂടെ ജലം ഒഴികിപ്പോയത്. സമീപത്തെ വ്യാപാരികളും ഓട്ടോറിക്ഷാ തൊഴിലാളികളും അടൂര്‍ വാട്ടര്‍ അതോറിറ്റി ഓഫിസില്‍ ബന്ധപ്പെട്ടെങ്കിലും ഫോണ്‍ എടുത്തില്ലെന്നും പാരതിയുണ്ട്.  രണ്ടുദിവസത്തിന് ശേഷമാണ് അന്യസംസ്ഥാനതൊഴിലാളികളുടെ സഹായത്തോടെ പൈപ്പ് ലൈന്‍ പുനസ്ഥാപിച്ചത്. ഇതിനായി കുഴിച്ച കുഴിനികത്തിയത് രണ്ടു ദിവസത്തിന് ശേഷമാണ്. ഏറെ ഗതാഗതകുരുക്കുള്ള ഏനാത്ത് ടൗണില്‍ യാത്രക്കാര്‍ക്കും കച്ചവടക്കാര്‍ക്കും ഏറെ ബുദ്ധിമുട്ടാണ് ഇതുമൂലം ഉണ്ടായത്.  കൂടാതെ പറക്കോട് ചന്തയ്ക്ക് എതിര്‍വശം പൈപ്പ് പൊട്ടി വെള്ളം പാഴാവാന്‍ തുടങ്ങിയിട്ട് ദിവസങ്ങളായതായി സമീപവാസികള്‍ പറയുന്നു. അടൂര്‍ മേഖലയിലെ പല പ്രദേശങ്ങളിലും ഇത്തരം കാഴ്ചകള്‍ നിത്യസംഭവമായിരിക്കുകയാണ്.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss