|    Jan 19 Fri, 2018 7:20 am
FLASH NEWS

അടൂര്‍ ഐഎച്ച്ആര്‍ഡി ജില്ലയിലെ ആദ്യത്തെ സമ്പൂര്‍ണ ഡിജിറ്റല്‍ എന്‍ജിനീയറിങ് കോളജ്

Published : 1st October 2017 | Posted By: fsq

 

അടൂര്‍: ഐഎച്ച്ആര്‍ഡി കോളജ് ഓഫ് എന്‍ജിനീയറിങിനെ ജില്ലയിലെ ആദ്യത്തെ സമ്പൂര്‍ണ്ണ ഡിജിറ്റല്‍ എഞ്ചിനീയറിങ് കോളജായി പ്രഖ്യാപിച്ചു. ലീഡ് ബാങ്ക് ജില്ലാ മാനേജര്‍ വിജയകുമാരനാണ് ഇത് സംബന്ധിച്ച പ്രഖ്യാപനം നടത്തി സാക്ഷിപത്രം കോളജ് പ്രിന്‍സിപ്പല്‍ ഡോ. വി ജെ ജയശ്രീയ്ക്ക് കൈമാറി. സ്വാന്തനം ഫിനാന്‍ഷ്യല്‍ ലിറ്ററസി സെന്ററിലെ കൗണ്‍സിലര്‍മാരായ രാജീവും, പ്രദീപ് കുമാറും ഡിജിറ്റല്‍ ബാങ്കിങിനെകുറിച്ച് ക്ലാസ് എടുത്തു. ചടങ്ങില്‍ പങ്കെടുത്ത 15 വ്യാപാരികളും, മുഴുവന്‍ വിദ്യാര്‍ഥികളും അവരുടെ മൊബൈല്‍ ഫോണുകളില്‍ മൊബൈല്‍ ബാങ്കിങ് ആപ്ലിക്കേഷനായ ഭീം ഡൗണ്‍ലോഡ് ചെയ്തുകൊണ്ടാണ് പദവി കരസ്ഥമാക്കിയത്. ജില്ലാ കലക്ടറേറ്റിനെ ജില്ലയിലെ ആദ്യത്തെ സമ്പൂര്‍ണ്ണ ഡിജിറ്റല്‍ സര്‍ക്കാര്‍ ഓഫീസായും, തിരുവല്ല മാര്‍ത്തോമ്മ കോളജിനെ ആദ്യത്തെ സമ്പൂര്‍ണ്ണ ഡിജിറ്റല്‍ ആര്‍ട്‌സ് കോളജായും ഇതിനോടകം പ്രഖ്യാപിച്ചിട്ടുണ്ട്. കോളജ് പ്രിന്‍സിപ്പല്‍ ഡോ. വി കെ ജയശ്രീ അധ്യക്ഷത വഹിച്ചു. നബാര്‍ഡ് അസി. ജനറല്‍ മാനേജര്‍ രഘുനാഥന്‍ നായര്‍ മുഖ്യപ്രഭാഷണം നടത്തി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day