|    Apr 23 Mon, 2018 11:23 pm
FLASH NEWS

അടിസ്ഥാന സൗകര്യം പോലുമില്ലാതെ പെരുമനക്കുന്ന് കോളനി

Published : 16th March 2018 | Posted By: kasim kzm

ആനക്കര: തൃത്താല ബ്ലോക്ക് പഞ്ചായത്തില്‍ കപ്പൂര്‍ ഗ്രാമപ്പഞ്ചായത്തിലെ പറക്കുളം പെരുമനകുന്ന് കോളനിവാസികള്‍ക്ക് വികസനം ഇന്നും അന്യം. 25ലേറെ കുടുംബങ്ങള്‍ ഈ കോളനിയില്‍ താമസിക്കുന്നുണ്ട്. കുടിവെള്ളം, ഭവനപദ്ധതികള്‍, ഗതാഗതം, വൈദ്യുതി തുടങ്ങിയവയെല്ലാം ഇവര്‍ക്ക് ഇന്നും കൈയെത്താ ദൂരത്ത് തന്നെ. ചികില്‍സ സഹായങ്ങള്‍ പോലും കിട്ടുന്നത് വിരളം. കോളനിയിലേക്കുള്ള വഴിയാകട്ടെ ഇടുങ്ങിയതും വാഹനം സഞ്ചരിക്കാത്തതും.
കുടിവെള്ളക്ഷാമം ഏറെ രൂക്ഷമാണ്. മൂന്ന് ദിവസം കൂടുമ്പോള്‍ ലഭിക്കുന്ന ഒരുകുടം വെള്ളമാണ് ഇവരുടെ ജീവജലം. കത്താത്ത തെരുവുവിളക്കുകളും കോളനിയെ ഇരുട്ടിലാക്കുന്നു. എസ്‌സി വിഭാഗങ്ങള്‍ക്ക് പ്രത്യേകപരിഗണന നല്‍കുമ്പോള്‍ ചുതലപ്പെട്ട എസ്‌സി പ്രമോട്ടര്‍ ഇവിടേക്ക് തിരിഞ്ഞുനോക്കിയില്ലന്ന് കോളനിയിലെ കാരണവര്‍ കുറമ്പന്‍പറയുന്നു.
തിരഞ്ഞെടുപ്പുകാലത്ത് മാത്രമാണ് രാഷ്ട്രീയ പാര്‍ട്ടി നേതാക്കള്‍ ഇവിടെ എത്താറുള്ളൂ. പട്ടികജാതി വര്‍ഗ വികസന വകുപ്പ്  പ്രശ്‌നത്തില്‍ അടിയന്തിരമായി ഇടപെടണമെന്ന് കേരള ദലിത് ഫോറം ഭാരവാഹികള്‍ ആവശ്യപ്പെട്ടു. ചോലയില്‍ വേലായുധന്റെ നേതൃത്വത്തില്‍ ഫോറം അംഗങ്ങള്‍ കോളനി സന്ദര്‍ശിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss