|    Nov 21 Wed, 2018 7:18 am
FLASH NEWS
Home   >  Todays Paper  >  Page 4  >  

അഞ്ചു വയസ്സുകാരി സ്‌കൂട്ടര്‍ ഓടിച്ചു; പിതാവിന്റെ ലൈസന്‍സ് റദ്ദാക്കി

Published : 31st July 2018 | Posted By: kasim kzm

മട്ടാഞ്ചേരി: സംസ്ഥാനത്തെ ഏറ്റവും തിരക്കേറിയ ഇടപ്പള്ളി ദേശീയപാതയിലൂടെ ഓടിക്കൊണ്ടിരുന്ന സ്‌കൂട്ടറിന്റെ നിയന്ത്രണം അഞ്ചു വയസ്സുകാരിയായ മകള്‍ക്കു നല്‍കിയ പിതാവിന്റെ ലൈസന്‍സ് മോട്ടോര്‍ വാഹന വകുപ്പ് ഒരു വര്‍ഷത്തേക്കു റദ്ദാക്കി. പള്ളുരുത്തി സ്വദേശി ഷിബു ഫ്രാന്‍സിസിനെതിരേയാണ് നടപടി. സ്‌കൂട്ടറിന്റെ ആക്‌സിലേറ്ററിന്റെ നിയന്ത്രണം കുട്ടിക്കായിരുന്നു. ഞായറാഴ്ച രാവിലെ ദേശീയപാതയിലൂടെ ഷിബു ഭാര്യയെയും മൂന്നും അഞ്ചും വയസ്സുള്ള രണ്ടു കുട്ടികളെയും സ്‌കൂട്ടറില്‍ ഇരുത്തി യാത്ര ചെയ്യവെയാണ് സംഭവം. സ്‌കൂട്ടറിനു പിന്നാലെ എത്തിയ കാറിലെ യാത്രക്കാര്‍ ഇത് മൊബൈലില്‍ ചിത്രീകരിച്ച് സമൂഹ മാധ്യമങ്ങളില്‍ പോസ്റ്റ് ചെയ്യുകയായിരുന്നു. ഇടപ്പള്ളി പോലിസും ഇയാള്‍ക്കെതിരേ നടപടിതുടങ്ങി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss