|    Oct 16 Tue, 2018 1:38 am
FLASH NEWS

അഞ്ചു ക്വിന്റല്‍ നിരോധിത പുകയില ഉല്‍പന്നങ്ങള്‍ പിടികൂടി

Published : 25th February 2018 | Posted By: kasim kzm

കൂത്തുപറമ്പ്: എക്‌സൈസ് സംഘം നടത്തിയ വാഹന പരിശോധനയില്‍ നിരോധിത പുകയില ഉല്‍പന്നങളുടെ വന്‍ശേഖരം പിടികൂടി. അഞ്ചു കിന്റലിലധികം നിരോധിത ഉല്‍പന്നങ്ങളാണ് പിടികൂടിയത്. സംഭവവുമായി ബന്ധപ്പെട്ട് ഇരിട്ടി സ്വദേശികളായ പുതിയപുരയില്‍ മുഹമ്മദലി, കെവി ഹൗസില്‍ ശംസുദ്ദീന്‍, കെ പി ബഷീര്‍ എന്നിവരെ കസ്റ്റഡിയിലെടുത്തു.
ജില്ലയിലെ ഏറ്റവും വലിയ പുകയില ഉല്‍പന്ന വേട്ടയാണ് കഴിഞ്ഞദിവസം കൂത്തുപറമ്പില്‍ നടന്നത്. നിര്‍മലഗിരിയില്‍ വച്ച് കൂത്തുപറമ്പ് എക്‌സൈസ് നടത്തിയ വാഹന പരിശോധനയ്ക്കിടെയാണ് പിടികൂടിയത്. നാഷനല്‍ പെര്‍മിറ്റ് ലോറിയില്‍ രഹസ്യമായി കടത്തുകയായിരുന്നു 512 കിലോയോളം പാന്‍പരാഗ്, കൂള്‍ലിപ്, മധു എന്നിവ. കെഎ 55 2477 നമ്പര്‍ ലോറിയും കസ്റ്റഡിയിലെടുത്തിട്ടുണ്ട്.
കൂത്തുപറമ്പ് എക്‌സൈസിന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ സി രജിത്ത്, അസി. എക്‌സൈസ് ഇന്‍സ്‌പെക്ടര്‍ പി കെ ചിദംബരം, സിവില്‍ എക്‌സൈസ് ഓഫീസര്‍മാരായ കെ ബിജു, കെ കെ സാജന്‍, കെ ഇസ്മയില്‍ എന്നിവര്‍ റെയ്ഡിന് നേതൃത്വംനല്‍കി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss