|    Oct 18 Thu, 2018 10:32 am
FLASH NEWS

അങ്ങാടിപ്പുറത്ത് ബൈക്ക് ഷോറൂം കത്തി നശിച്ചു

Published : 6th April 2018 | Posted By: kasim kzm

പെരിന്തല്‍മണ്ണ: അങ്ങാടിപ്പുറത്ത് ഹോണ്ട ബൈക്ക് ഷോറൂമിന് തീപ്പിടിച്ചു. ഇന്നലെ രാവിലെ ആറോടെയാണ് തീ കത്തിപ്പടരുന്നത് പരിസരത്തുണ്ടായിരുന്നവരുടെ ശ്രദ്ധയില്‍പ്പെട്ടത്. ഷോറൂമും അതിനൊപ്പം ചേര്‍ന്ന് പ്രവര്‍ത്തിക്കുന്ന സര്‍വീസ് സെന്ററും ഉള്‍പെട്ട ഇരുനില കെട്ടിടത്തിലാണ് തീപ്പിടിത്തമുണ്ടായത്. കെട്ടിടത്തിലുള്ള ജനറേറ്റര്‍ സ്ഥിതി ചെയ്യുന്ന ഭാഗത്തുനിന്നു ഷോര്‍ട്ട് സര്‍ക്യൂട്ട് ഉണ്ടായതാണ് അപകടകാരണമെന്നാണ് പ്രാഥമിക നിഗമനം. തീ പടര്‍ന്നത് അറിയാന്‍ വൈകിയത് അപകടത്തിന്റെ വ്യാപ്തി വര്‍ധിപ്പിക്കാനിടയാക്കി. സര്‍വീസിനായി കൊണ്ടുവന്ന 18 വാഹനങ്ങളാണ് പൂര്‍ണമായി കത്തി നശിച്ചത്.
ഇരുപതിലധികം ബൈക്കുകള്‍ ഭാഗികമായും കത്തിയിട്ടുണ്ട്. ഒരു ലക്ഷം രൂപ വില വരുന്ന ആഢംബര ബൈക്കുകളും സമീപത്ത് നിര്‍ത്തിയിട്ടിരുന്ന മറ്റു വാഹനങ്ങളും കത്തിയതില്‍ ഉള്‍പെട്ടിട്ടുണ്ട്. മുകളിലത്തെ നിലയിലായിരുന്നു പുതിയ വാഹനങ്ങള്‍ സൂക്ഷിച്ചിരുന്നത്. തീ മുകളിലേക്ക് പടര്‍ന്ന് പിടിക്കുന്നതിനുമുമ്പ് തന്നെ നാട്ടുകാരും അഗ്നിശമന സേനാംഗങ്ങളും ചേര്‍ന്ന് ഈ വാഹനങ്ങള്‍ അവിടെനിന്ന് മാറ്റി. അഗ്‌നി ശമനസേനാ യൂനിറ്റുകള്‍ ഒന്നര മണിക്കൂറോളമെടുത്താണ് തീ അണച്ചത്. ഒരുകോടി രൂപയുടെ നഷ്ടം കണക്കാക്കിയിട്ടുണ്ട്്്. പെരിന്തല്‍മണ്ണ, മലപ്പുറം, മഞ്ചേരി, മണ്ണാര്‍ക്കാട് അഗ്നിശമന വിഭാഗങ്ങളാണ് തീ നിയന്ത്രണ വിധേയമാക്കിയത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss