|    Aug 21 Tue, 2018 10:47 pm
FLASH NEWS
Home   >  Todays Paper  >  Page 4  >  

‘അങ്കമാലി റസ്റ്റ്ഹൗസ് നിര്‍മാണ അപാകത വിജിലന്‍സ് അന്വേഷിക്കും’

Published : 5th July 2018 | Posted By: kasim kzm

തിരുവനന്തപുരം: അങ്കമാലി പൊതുമരാമത്ത് റസ്റ്റ്ഹൗസി ല്‍ പുതുതായി നിര്‍മിച്ച കെട്ടിടത്തിന്റെ പ്ലാസ്റ്ററിങ് ഇളകുന്നതുമായി ബന്ധപ്പെട്ട് റിപോര്‍ട്ട് തേടിയതായി മന്ത്രി ജി സുധാകരന്‍. മാധ്യമങ്ങളില്‍ വന്ന വാര്‍ത്തയുടെ അടിസ്ഥാനത്തിലാണു നടപടി. പൊതുമരാമത്ത് കെട്ടിട വിഭാഗം എക്‌സിക്യൂട്ടീവ് എന്‍ജിനീയറില്‍ നിന്നും പ്രാഥമിക അന്വേഷണ റിപോര്‍ട്ട് തേടുകയും റിപോര്‍ട്ടിന്റെ അടിസ്ഥാനത്തില്‍ നിര്‍മാണത്തില്‍ വന്ന അപാകത കരാറുകാരന്റെ നഷ്‌ടോത്തരവാദിത്തത്തില്‍ പരിഹരിക്കണമെന്നു നിര്‍ദേശം നല്‍കുകയും ചെയ്തു. കൂടാതെ കെട്ടിട നിര്‍മാണവുമായി ബന്ധപ്പെട്ട് ഏതെങ്കിലും രൂപത്തിലുള്ള ക്രമക്കേട് ഉണ്ടായിട്ടുണ്ടോ എന്നു പരിശോധിക്കുന്നതിനു പൊതുമരാമത്ത് വകുപ്പ് വിജിലന്‍സ് വിഭാഗം ഡെപ്യൂട്ടി ചീഫ് എന്‍ജിനീയറെ ചുമതലപ്പെടുത്തിയതായും മന്ത്രി ജി സുധാകരന്‍ അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss