|    May 27 Sat, 2017 6:13 am
FLASH NEWS

അങ്കണവാടി കെട്ടിടത്തില്‍ അന്യസംസ്ഥാന തൊഴിലാളികളെ പാര്‍പ്പിക്കുന്നതായി പരാതി

Published : 3rd February 2016 | Posted By: SMR

ചാലക്കുടി: അങ്കണവാടി കെട്ടിടത്തില്‍ അന്യസംസ്ഥാന തൊഴിലാളികളെ പാര്‍പ്പിച്ചിരിക്കുന്നതായി ആക്ഷേപം. കോട്ടാറ്റില്‍ നഗരസഭ പണിതീര്‍ത്ത അങ്കണവാടി കെട്ടിടത്തിലാണ് അന്യസംസ്ഥാന തൊഴിലാളികള്‍ പാര്‍ക്കുന്നത്.
വര്‍ഷങ്ങള്‍ക്ക് മുമ്പാണ് നഗരസഭ ഇവിടെ അങ്കണവാടിക്കായി കെട്ടിടം പണിതീര്‍ത്തത്. അംങ്കണവാടി ആരംഭിക്കാഞ്ഞതിനെ തുടര്‍ന്ന് കെട്ടിടം കൃഷിഭവന് കൈമാറി.
തുടര്‍ന്ന് കെട്ടിടം കോട്ടാറ്റ് പാടശേഖര സമിതിയുടെ ഓഫിസാക്കി മാറ്റി. ചാലക്കുടി കൃഷിഭവന്‍ കോട്ടാറ്റ് പാടശേഖര സമിതി ഓഫിസ് എന്ന പച്ചനിറത്തിലെഴുതിയ ബോര്‍ഡും ഇവിടെ സ്ഥാപിച്ചിട്ടുണ്ട്.
ഈ ഓഫിസിലാണ് അന്യസംസ്ഥന തൊഴിലാളികള്‍ തിങ്ങിപാര്‍ക്കുന്നത്. ഓഫിസിന് സമീപം പടി. ചാലക്കുടി സര്‍വീസ് സഹകരണ ബാങ്കിന്റെ കെട്ടിട നിര്‍മാണം നടക്കുന്നുണ്ട്.
ഇവിടെ പണിയെടുക്കുന്ന തൊഴിലാളികളാണ് ഓഫിസില്‍ താമസിക്കുന്നത്. സ്റ്റൗവും കട്ടിലും ഓഫിസിനുള്ളില്‍ കൂട്ടിയിട്ടിരിക്കുകയാണ്. പ്രാഥമിക സൗകര്യങ്ങളില്ലാത്തതിനാല്‍ പ്രദേശത്ത് ആരോഗ്യ പ്രശ്‌നങ്ങള്‍ക്കും കാരണമാവുകയാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day